
Kohima, March 1 (TYO) : February 29, 2016 nü Tseminyu tesem nung morok mi ka adok saka yimdaklirtem aser forest department-i miji azüokogo.
Morok mi jagi hectare 10 samatsüogo, ta Assistant Conservator of Forests, Tseminyu Forest Range, Samom Khelen Singh, IFS-i metetdaktsü.
MLA aser Housing Parliamentary Secretary, Levi Rengma-i iba tesem semdangogo aser arem tulu rongdokba atema sasa bilemba lemsatep.
Nisung kar mekümdangba ajanga iba morok mi adok aser iba ya tansütsü südaktsür tarutsü nung arem-min wazüka ayutsü atema kanga kümdangtsüla, ta Levi Rengma-isa ashi.
Paisa, administration, yimdaklirtemi aser forest department nungertemi mapang shitak nung morok mi azüokba atema tenüngsang agütsü.
You must be logged in to post a comment Login