Tseminyu Inter-Departmental Sports Meet thinener

Dimapur, November 27 (TYO): Tseminyu Sub-Divison nung asayatsü ayongba Inter-Departmental Sports Meet thinenba osang ka ADC Tseminyu office-i tanü sangdong ka ajanga metetdaktsüogo.
“Mepaidoktetba timtem kar ajuruba ajanga iba asayamong ya tan November ita 30 nü nungi tenzüka asayatsü akümer,” ta office-i ashi.
Ano, department shiai pei asayar tarensen ADC Tseminyu office tongtsütsü tuyuba den külemi, department ajunga nung mapa inyakertemi iba asayamong nung shilem agitsü temetettsü osang ka sangdong ajangasa metetdaktsüogo.