Tseminyu jila nung SDPDB senden ayongzüka amen

Tseminyu, July 10 (TYO): July 10, 2019 nü ADC conference hall nung ADC Tseminyu aser Vice Chairman SDPDB, Nokchasashi Kichu leniba nung Tseminyu SDPDB senden menogo, ta ketdangsertem osang ka ajanga metetdaktsü.
June 21 nü Tseminyu town nung ADC office tasen yanglua semzüktettsüsa lokti tentet aser department balala, talisa VDBs aser Village Council Chairman Association, Tseminyu Sub-Div-i Administration nungita yariba atema ADC-i parnok ajak dang pelaba lemsatep.
Senden nung taruba Independence Day anogomong atema jembi aser department balala nem mapa lemzüktsüogo.
Senden nung Veterinary Assistant Surgeon, Tseminyu, Dr. Gwathonlo Tsela-i Deputy Chief Veterinary Office, Tseminyu kübok Animal Husbandry & Veterinary Services department-i inyaka aruba mapatem osang metetdakja liasü.