Dimapur, February 6 (TYO) : February 5, 2016 nikongtsütsü 2:10 ako meta Pughoboto junction (Tseminyu) aser Old Tseminyu town tsüngda Tseminyu NH-2 nung Xenon pick-up truck gari ka tsükok.
Gariji Dimapur nungi Mokokchung-i aodang lendongji ajuru aser iba osang angashili EAC, Shelley Katiry-i anir District Administration aser Tseminyu Police tem tesem tonga ao.
Gari anirji Mokokchung district kübok Yaongyimsen yimer Takoyanger Ao aser gari nung mena alisangji Tuensang district kübok Chimonger yimer Yongi Sangtam na ta jangjaogo.
Osang ajanga ashiba agi, tena amenba gariji lenküpoklen feet 50 shi longoka ai aser iba mapang tena yi agi mesepa jemer liasü.
Ajisüaka, kanga dang tia kaa tena kangabo meyiru aser CHC Tseminyu nung anepaluba sülen Kohima-i anir ao, ta osang ajangasa metetdaktsü.
You must be logged in to post a comment Login