Tseminyu nung ‘e-Pay’ system atema training agitsü

Dimapur, Tsüklai/February 04 (TYO): Deputy Commissioner, Tseminyu indang Office nung February 9, 2022 anepdang 11:00 ako nungi tenzüka ‘e-Pay’ system tali tajungba nung metettsü asoshi training agütsütsü, ta Deputy Commissioner, Tseminyu, Dr. Zasekuolie, Chusi, IAS ajanga Tseminyu district nung aliba Drawing and Disbursing Officers ajunga nem metetdaktsüogo.

Anungji ‘e-Pay’ system amshiba nung timtem ajurutem ajak, talisa Pughoboto sub-division kübok aliba DDOs tem densema Tseminyu District kübok sorkar indang office tem nung aliba DDOs ajunga iba training atema office assistant tem yoktsü metetdaktsür, ta sangdong ka ajanga ashi.

Iba training nung adentsü arurtemi laptop ka den internet facility aliba mobile (Airtel/Jio network) bener arutsüla, ta ashi.

Iba training nung shisalen sayur ya P&AR department, Nagaland Civil Secretariat, Kohima nungi alitsü.