Tseminyu nung gari lenmang ulushitsü atema tapoktsü amshitsü

Kohima, September 13 (TYO): Kohima Deputy Commissioner, Gregory Thejawelie-i sangdong ka ajanga Tseminyu area nung alirtem dang, tang aliba gari lenmang yanglushitsü aser ulushitsü atema Explosives Rules 2008 kübok tapoktsü osettem alitsü aser amshitsü atema M/s T.k Engineering Consortium Pvt. Ltd. of address ground floor, Arcadia, City Tower, Circular Road, Dimapur nem ‘No Objection Certificate’ agütsüogo, ta metetdaktsü.
Nikongdang 5:00 ako nungi 6:00 ako tashi aser aonung 7:00 ako nungi 8:00 ako tashi Sogwato Semp Stone Crusher nungi Shonjatsokhin tashi (Tseminyu nung Assam Rifles Camp teküboklen) aser Kandinu nungi Wokha boundary tashi nung lenmang ulushitsü atema itemji (tapoktsü) amshitsü, ta sangdong nung shia lir.
Explosives Rules 2008 nung rules 102 aser 103 nung ajemdaker iba tetuyuba agütsür aser temelabaji (permit) September 15, 2019 nungi October 15, 2019 tashi asütsü aser renew mesütettsü.