Tseminyu nung Value Added Fish Products training agütsü

Tseminyu, March 30 (TYO): Department of Fisheries and Aquatic Resources-i March 29, 2019 nü CRBC, Zunpha, Tseminyu nung tetsürtem nem Value Added Fish Products training ka ayongzüka agütsüogo, ta ketdangsertem osang ka ajanga metetdaktsü.
District Fishery Officer Kohima den lar staff temi training nung shilem agirtem dang ango pickle, ango cutlet, Fish Finger aser Fish Soup yangluba tesayuba agüja liasü.
Iba training tembangba sentong nung Development Secretary, CRBC, Zunpha, Arhunlo Semp-i Department-i tetsürtem atema iba ama training agütsüba atema pelaba lemsatepba den külemi training nung shilem agirtem dang tang angazükba skills aser shisatsü tasen amshia pei sasa mapa inyaka alitsü ayongzük. Iba training nung shilem agir parnok 20 liasü.