Tsg bus nung SP süngjang 6500 apu

Mokokchung, Jan 13 (TYO): Jan 13 anepdang 1:30 ako meta Longmisa yim lenjem nungto Mokokchung D.E.F police-temi gari mitba mapang aonung jajaba Tuensang night service bus ka nung spasmo proxyvon (SP) mozü süngjang 6500 bener aliba putet.
Iba maparen dak sentakba nung Chungliyimti tsür Mrs. Imsübenla Sangtam (D/o Imkumzukba) pua lir, ta police osang ajanga metetdaktsü.
Iba bus ya Dimapur nungi Tuensangi aorba liasu. Iba keno registered sür okadaki yokogo aser tang iba maparen dak sentakba nung maneni police-i bushitsüngdang tenzükogo, ta iba osangbeneri Mokokchung Police Station-I police ketdangsür ka den jembidang pai metetdaktsü.