Tsükla mapang tekolak angoba anepaluyim

Tsükla mapang anü pua talangka senzüba ajanga nisung aika tekolak angor. Talisa ‘sinus’ timtem alirtem tamajungba angotsü. Tekolak angoba ya tsükla mapang nisung aika daka kanga bulur, ibayongji kima yimdong senzüdang korang asemtsü mesüra sü agi meyipangtsü junger.
Ano karbo, talisa tetsürtem kou junga makong tsükla anü pua senzüra tekolak angoba dang masü saka temanga-a metaa shiranger. Ano karbo anu pua senzüba ajanga tekolak angoba ya tetsü-tebou azü nungi aruba lir.
Anü apuba ajanga tekolak angoba anepaluyim kar:
*Kimai ayazükdang anüshi apongtsüla, korang asemtsüla mesüra tekolak sü agi meyipangtsüla.
* Tenük aina kahloktsüla
* Tzü peria ajemtsüla
* Cotton süoshi asemtsüla
* Süngjanglijang tasen-tzü nü temang den mapet süra lemon mesüra iced tea majemtsüla
* Nü temang den mapet süra teronem nenemtsü/scent tali madoktsüla
* Süngo-pija nung süngmok ajensaa inoker ajemtsüla.
(Source-Internet)