Tsüklai nung GST Returns shilem 69 dang liasü

New Delhi, Metsüremi 27 (Agencies): Goods & Services Tax ita ana atonga bendenba nung kasashi dang arua Tsüklai (February) nunga sen crore 85,174 liasü aser linük nung shilem 69-i dang pei akaba rongsen nungi saru agütsü.
Tsüklai nungi Metsüremi (March) 25 tashi atema GSTR 3B lakh 59.51-i saru agütsü. Ibai saru agütsürtemi ita shia saru agütsütsü temsüa aliba nisungtem nungi shilem 69 dang lir, ta finance ministry ajanga sangdong ka nung metetdaktsü.
“Tsüklai 2018 (Metsüremi 26 tashi) atema GST kübok saru agütsüba ya sen crore 85,174 liasü,” ta parnoki ashi. Iba saru ya Aenjeti (January) nung sen crore 86,318, Luchii (December) aser Yimpoksüi (November) nung sen crore 88,929 aser 83,716 bendena liasü.
Tsüklai atema GST nungi sen crore 85,174 bendenba nungi sen crore 14,945 ya Central GST aser sen crore 20,456 ya State GST nungi alitsü. Sen crore 42,456 ya Integrated GST aser sen crore 7,317 ya compensation cess ama bendena liasü.
Tangatettep nung sen crore 25,564 bo IGST nungi CGST/SGST account-i yokogo. “Anungji Metsüremi 26 tashi (Tsüklai atema) CGST aser SGST nung bendenba ya sen crore 27,085 aser 33,880 alitsü, aser item ya tangatettep nung transfer asüba densema lir,” ta sangdong ajangasa shisem.
Metsüremi 25 tashinung GST kübok saru agütsür crore 1.05 register süogo. Item rongnungi lakh 18.17 ya composition dealer tem lir, shirnoki küm nung pezüben tashi returns file asütsü tim aser tanüngba saru agütsür lakh 86.37 ya ita shia returns file asür tim.
Lok Sabha nung finance ministry ajanga telangzüba agütsüba nung, GST ajanga Chiteni (July) nung sen crore 93,590, Luroi (August) nung sen crore 93,029, Rongjui (September) nung sen crore 95,132 aser Mongputeni (October) nung sen crore 85,931 saruteta liasü.