Tsümartem ILP mebeni atuba osang tai agütsü

Dimapur, Aug.24 (TYO) : Tawa osangkaket kar nung Mariani len Tzütapela Nagaland gate adena tur tzümartem temelaba melii mapa inyakdak mongdagi ta Survival Nagaland züngsem kati bangdak nung alirtem dang metetdaktsüba anema pa dak nisung kari mejungi benshiogo ta adokba osangji shitak masü ta tanü sangdong ka ajanga Chungtiayimsen putu mendeni metetdaktsüogo.
Iba osang sangdongsangji Lirmen nunger Talisünep Longkumer liasü aser pai sangdongba osangji angashia yimteni reprangdangogo aser pajia jaoka jembiogo saka temelaba melii tzümartem atua aliba mangu aser paia pasasa osang tai agütsüba nangzüka yimten dang tadok meshiogo, anungji sobaliba nung aliba ama iba ken oji timi tembangogo ta Chungtiayimsen yimtenisa metetdaktsü.

You must be logged in to post a comment Login