Tsüngi o aser tashi. T.Ken 119:33-40

O Kibuba, nü Telatet ozüng kü dang sayuangma; aser aji ni tatem tashi benshitsü. T. Ken 119:33
Tenüngsang ken züluri tangatet shisatsü asoshi sarasadem. “O Kibuba, Ne ozüng benshitsü kü dang sayuangma.” Asenoki tesangwa chir küma, aser ochiba nungi angazüktsü mejangrar. Anungji asenok dang anogo shia sayutsü nüngdaka akümer. Ni Kibuba shisa liokdaki aotsü, aser tashi angaba tanela agi pa tsüngdang mener angazüktsü nüngdaker.” O Kibuba, kü dang sayuang.”
Aser ken züluri pa mulungjang shidakbalen shitsütsü sarasadem. “Ne kulitem tsütsü kü mulungjang shijang.” Aiben asenoki tai angatetter, tamajungji tentanger aser asenok tejangraba Tsüngremi mulungba anema alir. Ni Kibuba tsütsü nendakra kü terenlok koda karaa aotsü! Ni temenen tsütsü shir temeshiba lemmang nung jajatsü meranger. Anungji kü tebang ochi aser tobur tajung merüktettsü nüngdaker. “Temeshiba asoshi shirnoki yaa tzürar, parnoki moa.”
Anungji ken züluri temulungtetba takang agi sarasadem. “Ne ozüng lenmang nung ni odakjang.” Pai tenokdangba ajak ajanga otettsü jakla (moral) takang alitsü sarasadem. Aser ibaji ni nüngdaker.
Sarasadem:  O Kibuba, temulungtetba merang tongshi ama kümdakjang, aser tamajungba anogo nung nokdaktettsü yariang.