Tsungkam Neo benjung den Mini Hornbilll repsema among

January 17, 2020 nü Tsungkam Neo benjung den Mini Hornbill benjung tanünüba sentong nung arr atsütepba noksa nung angur. (Shamator, January 17, 2020)

Shamator, Aenjeti/January 17, 2020 (TYO): Hokolbarnü Tsungkam Neo benjung den Mini Hornbill benjung repsema amongba, tanünübuba sentong tenzüka Thyiang yimdak nungi Mundün Heritage village tashi asemtepa (marathon) liasü; Festival Marathon ya SP Tuensang, Bharat Laxman Markod, IPS-i tenzüktsü, ta tanü ketdangsertem osang ka ajanga metetdaktsü.
Tanabuba session nung tetushi tejaokerji Planning & Co-Ordination & Land Revenue Minister, Neiba Kronu liasü.
Tetushi tejaoker o jembidang Minister-i, YTC aser Yimchungrü nungeri tawa tenzükba Mundün Heritage village nung terenlok mapa kanga keraa inyakba atema tenüngsang agütsü.
Raliwalirtem puatsüsa iba tesem ya kanga temsüa lir, kechiyong Mundun tesem nung alinük tepor tajung tesem aika lir, ta paisa ashi.
Minister-i lokti dang asen tetsü-tebou nungertemi mapa kanga meranga inyakba asenoki mamadoktsüla, ta ashiba den külemi senotsü ajangzüktsü atema coffee tsünütsü ajungshia liasü.
Kasa sentong nungsa Advisor Water Resources Development, Namri Nchang, President ENPO, Kekongchim, DC Kiphire, Sarita Yadav IAS aser President CKS, Nungsanglemba Chang nungeria jembia liasü.
Tasembuba Session nung arr atsütep aser mezüngbuba jenjang nung takoker angurji Lungtoker yim liasü; tanabuba aser tasembuba jenjang nung takok angurji Chessore yim aser Kuthur yim na liasü.
Lasang akahba tetoktepba nung Pungro Division kübok Bedang yimi takok angu; tanabuba aser tasembuba jenjangji Kuthur yim aser Mudengkhung yim nati angu.