Tsüngküm nung temang lema……….

Tsüngküm nung temang lema ayutsüji kanga temelabo masü. Tsüngküm nung tashidak abenba mesen kanga bulur aser item mesen ajanga asenok aketdaktsür aser yimra tapu balala agi tongdaktsür.
Item yimrashira kotettsü asoshi süoshi talem sobuba dang masü saka temang lema lidaktsüba chiyung achitsü asoshi mongintem tetuyuba agüja lir.
Tsüngküm nung achila chiyungtsü talem pongu :-
Lason    :     Iba chiyungtsü yagi neptzü yima shirangba den bronchitis aser asthma tashidak den kanga tashi itta rarar. Lason ya antibiotic ama lir aser temangi mesen tamajung aitsü aliba nokdanger.
Somomo     :     Somomo nung vitamin B6 kanga sashia lir aser ibaji ajanga bacteria aser tanga mesentem den raratetter. Iba chiyungtsü yagi tepok anüka kümdaktsür aser tepok nung tango madokdaktsür.
Süngmok     :     Aketdang aser trok ashidang süngmok achiba ajanga ajunger. Iba den külemi saktsünütsü atudang süngmok tila ka ninang mochitsü nung ken metener achiba agi anendaktsür.
Anshi tzü     :     Anshi tzü moluzüka ajemba ajanga yimra süshidaktsür kechiba süra iba yagi nep yimsa-a yoker aser tangosashiba lenmang sadema kümdaktsür. Anshi tzü nung carbohydrates kanga sashia lir aser ibaji ajanga asenok kanga tashi itdaktsür.
Süngo     :     Süngo ya ‘polyphenols’ agi sünga lir aser iba jagi alok metsü adokba shilem nung lua metenba ajanga asenok indang tepokpok tango sashiba kanga sadema kümdaktsür. Süngo ajanga cholesterol ajema kümdaktsür aser temulungjang aoksa timtemba nungi kümzüker.
(Source – Internet)