Tsüngküm nung tenük anepaluyim

Asenoki yimya agi tsüngküm nung kou aser teküp kanga junga anepalur. Ajidang masü saka asenoki tenüka kanga junga anepalutsüla kechiba süra tenük junga anepalu mesüra timtem bener arutsütsü.
Asenoki meyi mapang tenük junga anepaluaka tsüngküm mapangbo aiben züzüa toktsür.
Asenoki tsüngküm mapang asen tenük anepalutsü tasa kar:-
-Tenük aina amshitsüla
Asenok kima senzüdang aser tongtibangsa mopung kanga aonba mapang tezülen nungi tesangwa maittsüsa aliba tenük aina amshitsüla.
-Temang nung tzü peria alitsüla
Temang nung tzü ajema mekümdaktsütsü asoshi tzü aika aketba chiyongtsütem ajemtsüla mesüra achitsüla. Asenoki soup mesükba kobai asen temang lema yutsür, itemji ajemtsüla. Ibaji ajanga asen tenük akongtsü aliba nungi kümzüker.
-Omega-3/fatty acids aketba chiyongtsü achitsüla.
Angomo mesükba chiyongtsü peria achitsüla, iba ajanga asen tenük nung nüktzü peria aludaktsü aser iba jagi tenük teti tayi lidaktsür.
-Eye drops amshitsüla
Na tenük akongba agi kangshira, eye drop teti amshitsüla. Saka doctor den asüngdangyar ang amshitsüla.
(Source – Internet)