Tsüngrem Ain Tesashi Ajurur

– Süpongnüngsang Longkümer, Darogapathar Dimapur.

Tamasa ocet azünger dangi khrista temeim salem apenür. Amangbapurtemi ajurutsü Lai tapu, aser mamangertem dak atalokaka mangatettsü, amangaka Lai mazüngertemi mangatettsü. JA 6:1-17 JA rateteri züluba tapak 86-91 tashi nung tera tongmelangba agi amangbapurtem den lemsatepber kechaser iba lai ya tarutsü mapang asoshi kanga nüngdak ta bilema zülutsür.t.6: 1,2 temaitsü tenet ajenba kaketji kodang San chanui(Yisu khrista)lapok idangji ola tulu agi “Arung”ta ajaba ajanga Yohani reprangzüka yok nung kor temesüng ka liasü. Kor temesüng agi temeshi toyur asünung aikati Yisu ta ashir saka aji Yisu masü ta kuli aika lir. 1 Mezüngpuba nung Yisu khrista (San chanu) jagi atsüa aliba kaket longji Yisui lapok nung Kor temesüng nung amensangji koda sür Yisu asütsü? Tanapuba nung temesüng sülenji Kor asem jagi alima teraksa adokdaktsü. Anungji Kor temesüngjia alima raksar ka mesüra temenen ain Kor ka.Tasempuba nung 1 Yoh 2:18aser math 24:5 nung ashi ama tiyazü khristai aika mashileni anitsü ta shia alinung aji tiyazü khrista ta rateter. Mojingi Yisu jilo aiba mapa kar yamai lir. Kongsa tanüla temeshi lir, idakji temenen tanüla arur; kong khrista arogo lir, idakji mojing (Tiyazü arogo lir, Kong Tsüngrem San chanu lir,idakji tiyazü mojing san chanu lir.Ano Tsüngremer yimti Yirusalem lir; yamaji satana yimti ka Babelon lir. (2 kor 11:14,15 aser JA13:11, 19:20) Ratet zülur aikati iba kor ya Antichrist ta rateter.Kong teraksar aser tejangjunger litir idakji tesünep malir.Iba Kor nung amenbai lijak ka am aser takokeri kokyonga aoba ama makyonga aser kokyonga ao. t 2 Temaitsü tanapubaji Yisui lapok, taküm shiruru tanapubai ya shia angashi “Arung” idangji kor temerem ka adok. “Temerem tetezü lendong” Yimjung agiendaktsütsü iba manung amenba nem temelaba agütsü aser pa nem nok tuluka agütsü. T 5,6 Temaitsü ajenba tasempubaji Pai lapok (Yisui) Taküm shiruru tasempubai ya shia aliba Yohani angashi “Arung” Pai repranga yok nung Kor tanak ka nung amenba ket nung seret ka aüma liasü.(ama, or mesük, Teka nung ama, melena aüma ta inoktanger o mepulutsü yimlar) Tanak tetezü tasüba aser mangyim jashi tammang tiya, seret tetezü tuozük, puzüng ka dang Wheat seret ka nung sen ka Barly seret asem nunga senbak ka, tetezü aya wara, Totzü aser yi dak tekongshi.Tsüngrem sentongang meimchiri memetet. T 7,8 Kor pulapular tetezü sentsü mait tashidak, Wara tashidak tamajung. Agüja aliba Lai tapu ajak züngangma Ja 6:15,Hos 10:8, Luk 23:30, 6:17 Yoe2:11, Mal 3:2. JA6:16 Chuba menden nung amenba tejak nungi, aser iba San chanu ain adokba nungi onok atsükokdakjang!. Küm tenet rishikangshi yamaji atalokyonga aotsü südi.
JA 1:18 Aser taküm alibaji, ni tasü liasü,saka ajiang putusa putu ni taküm alir, aser tasüba o tasü yim na süngkümrütsü (Sabi)kü ket nung lir.JA9:1 Idangji tenyar pungupubai pei jangzüji apu.(Tenyar,Kotak tenyar) aser anüng nungi alima dangi petinu ka tsükba ni angu.(Satan)aser ponglang makaba süngkümrütsü pa nem agütsü. Satan nem agütsü. Egyp nung temerenshipo Tsüngremi tashidak yoka merenshi, saka Küm tenet rishikangshi, Satani ashioktsüba temenenpurji satanisa merenshitsü Laishibai sayur.Saka Israel nunger 1,44,ooo dak temaitsü ajenbatem dak tenütsü nung temaitsü majen tashi tekangshi.7:1-8 Yihuda nunger telok. T 9-12 Kin,kidong,nüpu aser oshi itemi bendanger telok kasa itemia 1,44,ooo yongsük alitsü toyur.Tesa 2:3-10 tashi mangasang,aser ozüng mangasang tetezü alima ozüng aser alimai ashiba indang masü Taküm Tsünngrem tang tashi mangasang aser temeshi ozüng mangasang shirnok samadake parnok dang ajar ta angajemti. Corona virus atemapo Abreu e Brazel nungerpo yimtong nung Ao ken 173 Mera li nung alir, iba ken ya tena tekülem agia sarasatema tashidak wara den raraba angur.Ni amanger ibai tamang tongpang kuli asütsü südi.ta manene lemsateper.
Anogo shia Tsüngrem den Ochiba nung nokdaker ajak Tsünngremi moajangma. Asenok dak tajung meliaka Tsüraportemi Naga lima khrista meyong ta ayongzükba nung Pai temaitsü ajenba ajanga Naga nunger India ajanger aika prokshia liaka, aser pei lima nunga tang tashi CORONA VIRUS (Wara) makae Kümzükba asoshi Tsünngrem tenüng sangti, ano manene Tsüngrem dang khanga tekümzük meshia sarasatema liti. Amen.