Tsüngrem Ainkar (2) Ana

 T.S. Jamir, Mokokchung

Asen Aor Tsüngrem lar sayutsüngir Rev. Lano Longchar-i ashi, “Ni sayutsüngi dang tanülatem anir arutsü asoshi Tsüngrem dang nisung Lakh ka temolung meyipdakjang ta sarasadema arur. Yamaji tang tashi nung tanülatem kwi anir arua ali, ano kwi anir arutsü ali, aji Yisui dang metet. Yamaji kenü anogo Kotak nung Yisu tsüngdang item nisung ajurudang ni tepela maremteti kü nük nungi nüktzü alua ajeptsü. Idangji Yisui kü nüktzü aidoktsütsü. Halleluya!”.
Ano kasa Tsüngrem lar Rev. Imdangmerenia ashi, “Ni kenü anogo Yisu tsüngdang nokdakdang, nisungtem aikati kü dang ashitsü-nai sayutsüngi dang ni temolung meyip, ano kari ashitsü, nai mejemba ken atenba angashia ni temolung meyip, kari ashitsü nai züluba kaket zünger ni temolung meyip”.
Yisui ashi, “Ninevi nungeri obendangdak iba putu den nokdaktsü aser iba putu aitsütsü. Kechiaser Yonai sayutsüngi nung parnok temolung meyip”.
“Anüdoklen chubatsüri iba putu den obendangdak nokdaktsü kechiaser lai ali tatem nungi Solomon shisatsü angutsü aru” Mathi 12:32-33.
Oh! asen Aortem, asenoka koda? Tsüngrem tenzükertem, Counsellortem nütsüng nübortem, ni ama kinük nisung, tashi agi Yisu arudangji ajeptsüsa, kar tepela agi ajeptsü, kar kinünger adianutem manisemba agi sasa-a ajeptsü, karbo Yisu arudang pa manisemba agi teku nung tsünga ajeptsü. Asenok koba nung adentsü, ken arok-aroka shisadangdi.
Tsüngremi tazünger ajak moajang.