TSÜNGREM ASER TAMANGERTEM

 ~ K. Imliyanger Jamir, Eralibell, Dimapur

TEBU : Tsüngremji tebu; Tsüngremji techir. Saka tebu aser techir ka dang. Pa tetenzük aser tatembang. Pa takoksang, shiba lir; shiba liasü, aser anosa alitsü. Pa temeshi aser chichiba Tsüngrem. Pa taküm aliba Tsüngrem aser kodanga memelenshiba Tsüngrem. Pa taremzük, temeim aser taochi agi sünga aliba Tsüngrem. Pai menen pur dang tai adoker aser tesüngmangtsü ajak inyaksangji pa. Pa takoksang Tsüngrem lir, pai asenok dang pa dang anga-ang ta ashir. Pa ama tangar Tsüngrem shinga mali, aser paji tatok agütsüsang Tsüngrem lir. Pa teti tatem maka chuba, chubatem madak chubatiba aser kiburtem madak kibuba. Pai asenok dang ashir, “Nenok temeshi liang, kechiaser ni kibuba nenok Tsüngrem temeshi lir.” (Levi 19:1-2) paji dang takoksang Tsüngrem. ” kechiaser taküm Tsüngremi mi nungi jembiba asenoki angashiba ama shirnoki angashir taküm ali? (Taz 5:26)
Tebu atema temeshi laishibai kechi ashir asenoki külemi shisadangdi. Isaia ainkari tebu indangji yamai ashir. “Kechiyong Abrahami onok memetetaka aser Israeli onok magizükaka na onok tebu lir, na oh kibuba, onok tebu lir: teti tatem maka nungi ne tenüng onok alangzüksang lir.” (Is 63:16) “Saka tang, oh kibuba, na ozü tebu lir; onok ajungli, aser na ozü poteper; onok ajak ne teka agi inyakba lir.” (Is 64:8)
Yerimiai tebu indangji yamai ashir. “….nenoki kü dang kübu ta ajatsü; aser kü sülen anidakba nungi meyipa maotsü.” (er 3:19) “….kechiyong ni Israel madang tebudi lir, aser Efraim kü mezüng jabaso lir.” (yer 31:9)
Yohani tebu indang yamai ashir. “Kü Bu shibai parnok kü nem agütsü, pa ajak olang tuluba, aser  kü bu ket nungi shingia parnok rakzüka moutet. Ni aser kü bu ka dang” (Yhn 10:29-30)
“Filipi pa dang ashi, “kibuba onok dang tebuji sayuang, ajagi onok teperi. Yisui pa dang ashi, “Fili, ni nenok den papikati liaka, nai ni memetet no? shibai ni nguogo, pai tebu nguogo.” (Yhn 14:8-9) Ni tebu dak lira ser tebu kü dak lir ta nai mamanger no? Ni kechi o nok dang ashi, aji kü sasa nungi jembir masü, saka tebu kü dak lia, pai pei mapatem inyaker. Ni tebu dak lir aser tebu kü dak lir ta kü o ya amangangma; aji mesüra mapatem atema ni amangang.” (Yhn 14:10-11) Aser nenok den teti alitsü asoshi tangar teyarir ka nenok dangi yokang ta ni tebu dang asüngdangtsü. (Yhn 14:16)
Tenyar Pauli tebu indang yamai ashir. “Kechiyong nenoki tanaben tsübutsü asoshi talenba tanela magizük, saka Tsüngremi pei meyong kümdaktsüba chir tanela koba agi asenoki “Aba Oba” ta ajar, iba tanela nenoki agizük. (Rom 8:15) aser nenok pa chirtem asünung, aji sayutsü asoshi Tsüngremi pa chir tanela asenok mulungjangi yok, aser iba tanelai “Aba Oba” ta ayimtener. (Gal 4:6)
Kibuba shin o malaki dangi aruba nung yamai shina lir, “techiri pei tebu, aser kiliri pei kibur tushir ni tebu ka süra, kü tetushi kong lir? Aser ni kibur ka süra, kü dang tsübuba kong lir? ta temeranger kibubai nenok dang ashir, oh kü tenüng sensatsüba putirtem.” Aser nenoki ashir, kechi nung onoki ne dang sensatsü?