Tsüngrem aser Tamangertem

~ K. Imliyanger Jamir, Eralibill Dimapur

TECHIR: Techir indang ainkartemi yamai shin. Isaih ainkar ajanga yami shin.
Anungji Kibubai pasasa nenok nem temaitsü ka agütsütsü; ajiang tasüngtet aiür ka mashisa akümtsü, aser jabaso ka asotsü, aser pa tenüng “Immanuel” ta ajatsü.
Kechiyong nenok nem tanur ka soja lir, asenok nem jabaso ka agüja lir, aser yimsüsüba pa tapubang nung alitsü; aser pa tenüng tesüngmangtsü, teshisadanger, Tsüngrem tashi tulusang, teti tatem maka tebu, yimjung chuba chir ta ajatsü. (Is 9:6)
Yesse tongben nungi lapi ka adoktsü, aser pa tera nungi kongsang kati tejang atangtsü. Aser pa madak kibuba tanela shisatsü aser tangatetba akaba tanela, teshisangdangba aser tashi akaba tanela, aser temetetba tanela aser kibuba tsübuba alitsü. (Is 11:1-2)
Saka asen ozüng raksaba asoshi pa dak zübu aket, asen tai menaba atema pa temang menendaktsü, aser tesünep asoshi pa dak temerenshi atong; aser pa dak azükba agi asenok aneba lir. (Is 53:5)
Rishikangshi aser O bendangba agi pa bener ao, akümlir lima nungi pa petdanga yokogo ta pa putuia shibai parnok rongnung shisadang? Asen ozüng raksaba asoshi pa dak züka südaktsü. (Is 53:8) (Is 53:13) (Is 53:12) (Is 25:8-9) Ajiang iba nisung ya Tsüngrem chir liasü. (Mk 15:39)
Yerimia ainkar ajanga yamai shin.
Ajiang David asoshi temeshi kongsang ka adokdaktsütsü anogo arudagi ta kibubai ashir, aser pa chuba ama chubatsü aser shisa ka-a benshitsü aser linük nung ochi aser temeshi inyaktsü. Pa tendak Yihuda kümzüka aser pa dang ajatsüba tenüngji ya “Kibubaji asen temeshiba lir.” (Yer 23:5-6) Zekaria ainkari yamai shin.
Aser pa dang shiang, yamai temeranger kibubai ashir, Ajiang nisung ka tenüng agi kongsang, aser pai pei talidak nungi meitsü, aser pai kibuba tenlaki yanglutsü. Aser pai sentsüwangshi abentsü aser pa chuba menden nung amentsü aser yimsü asütsü, aser parnok anaprongla tsüngda nung tesünep tajung alitsü. (Zek 6:12-13)
Tsüngrem tenyar Gabrieli aiür Mari den jembiba. Tenyar jagi la dang langzü, “Tanela temeshi ne dangi arutsü, tematiba aine na akhümbangtsü. Anungji tasotsü aliba tanür dang Tsüngrem chir ta ajatsü………(Lk 1:32)
Kibuba tenyar kati pongmang nung Yosef dang adoka ashi
Lai jabaso ka asotsü aser nai pa tenüng Yisu ta ajatsü; kechiyong pai pei nüburtem parnok temenen nungi kümzüktsü. (Mt 1:21). Aser yakob nungi Mari kinungbo Yosef jakzük, iba Mari agi Yisu shiba dang Khrista ta ajar, paji aso (Mt 1:16)
Yisu Tsüngrem meyong chir, aser asen temeshiba lir, pa asen kümzüksang, aser asen tekümtet asoshi Tsüngrem sempet. “Kechiyong Tsüngremi alima odang meim nung pai pei ajaso chir agütsü.” (Yhn 3:16)
Tinububa nung pa tenüng Yisu ta aja. (Lk 2:21)
Yohan Baptitsübai Yisu indang kuli.
……….aser Tsüngrem tanela guduru ka ama pa dak alua atemba pai angu; aser kotak nungi ola kati ashi, “ibai kü meimba jabaso, shiba dak ni kü mulung achir.” (Mt. 3:16-17)
Yisu asen kümtetdakba.
Aser parnoki tetsür dangji ashi, Nai ashiba yong onoki amanger masü, saka onok sasa ya angashiogo aser ibai atangji kümtetdakbaji lir ta onoki metet. (Yhn 4:42)
Simon Peter, Yisu khirsta lar aser tenyar ka nungi, kümtetdakba Yisu khrista aser asen Tsüngrem temeshiba nung onok tamang den kasasa tamang akabapur dangi. (2 Pet 1:1) kechiyong iba atema onoki mapa inyaker aser meranger, kechiaser onoki taküm Tsüngrem, shiba nisung ajak aser tongtipangsa tamangertem kümtetdakba lir, pa dak imlar. (I Tim 4:10)
Aser temoatsü teimlaba aser tulusang Tsüngrem aser asen kümtetdakba Yisu khrista sentsüwangshi jungkai adokba repranga atatsü asenok dang iba taochi sayur. (Tit 2:13)
Aser tangar shinga dak tekümtet mali, kechiaser kechi agi nenok kümzüktsülaa, anüng küpok meimchir rongnung tangar tenüng kecha agüja mali. (T. Mapa 4:12)
Tetenzükdang Yisu Tsüngrem den laisü. Tetenzük nung Yisu liasü, aser Yisu Tsüngrem den liasü, aser Yisuji Tsüngrem liasü. (Yhn 1:1) Aser tang oba, ali meyangludang ne den alidang ni kechi sentsüwangshi nung liasü, iba sentsüwangshi jagi ne den ni tang sentsü wangshidakjangma. (Yh 17:5) kechisarena meyangludang pa Tsüngrem den liasü….aser kechisa yangluogo pa medeni kecha meyanglu. (Yh 1:3).
Tetenzük nung O liasü, aser O Tsüngrem den liasü, aser oji Tsüngrem liasü. (Yhn 1:1) Aser Oji shi aküm aser taochi aser ochi agi sünga asenok rongnung ali….(Yhn 1:14). Yisu tematiba meyong chir aser pa tebui shimtetba lenir.
Yisu Khristaji chuba (Messiah)
Messiah tetezü Khrista. Andriai tedi Simon dang ashi, “Onoki Messiah nguogo.” (Yhn 1:14) Messiahji Yihuda nunger chuba. “Na Yihuda nunger chuba asü? Yisui langzü, nai yamaji ashir.” (Mt 27:11) Yihuda nunger chuba soa alibaji kong lir? (Mt 2:2) Messiah tetezü chuba kibubai pa nem yimliji agütsütsü………aser pa yimliji tatem makai alitsü. (Lk 1:32-33)
Tetsür jagi pa dang ashi, “Messiah shiba dang Khrista ta ajar, Pa arudagi ta ni metet; kodang pa arudir pai onok nem ajak metetdaktsütsü, Yisui la dang ashi, ne den shibai jembir aji Pa. (Yh 4:25-26)
Kechiaser tanü nenok nem Dawid yimti nung küm tetdakba ka soja lir, paji kibuba khrista lir. (Lk 2:11). Aser tinübuba nung kodang pa mejebtoktsü, la nu menden nung pa metanglok dang tenyari tenüng agütsüba ama, pa tenüng Yisu ta aja. (Lk 2:21)
Aseni nangzükba tamang miim oji koda tulu: Pa shi nung jungkai adok, tanela nung temeten angu, kotak tenyartem agi angu, bendangertem rongnung sayutsüngi, alima nung amangogo, sentsüwangshi nung aniketa atu. (I Timoti 3:16) Paji tarutsü aliba puterji liasü, (T. Ken 110:4) Paji tarutsü aliba chubaji liasü. (2 Sam 7:7-10) Asenoki paji dang tamangertem kümtetdakba ta imlar. (I Tim 4:10) Kechiaser nisung chir samaba bushitsü aser kümzüktsü aru. (Lk 19:10)
Nisung shingaia Tsüngrem kecha südanga menguka, saka Ajaso chir shiba tebu tuku nung lir Pai Pa jungkai adoktsüogo. “Paji mengutetba Tsüngrem noksa, teyangluba ajak mezüng chir.” (Kol 1:15) Yisu Khrista yashi, tanü aser teti tatem maka kasa dang lir. (Ib 13:8)
Pa chubatem madak chubatiba, kiburtem madak kibuba. Amangba purtemi pa sentsüwangshi jungkai adok yongyaseta atar. Yisu aser tebu ka dang (Yhn 10:30) Pa mezüngbuba aser tesübuba, tetenzük aser tatembang. Alfa aser Omega. Kecha terata mali. Yisu Tsüngrem den liasü aser Yisuji Tsüngrem liasü. Pa asen tekümtet lung; teti tatem makai alitsü.