Tsüngrem aser Tamangertem

– K. Imliyanger Jamir,
Eralibill Dimapur

Tanela temeshi: Pa Tsüngrem; aser Tsüngrem tashi tulu. Pa Tsüngrem, ka nung asem. “Tsüngrem ka nung asem.” Tebu, techir aser tanela temeshi. Pa Tsüngrem rongnung ka. Parnok Tsüngrem balala masü, saka ka nung asem. Pa tamangertem mulungjang nung alir. Pa pasasa Tsüngrem; ta laishibai ashir. Ya angatettsü tasak saka laishibai yamaji sayur. Yisui asenok dang ashir, tebu, techir aser tanela temeshi tenüng nung baptijang. (Mt. 28:19) Tenyar Pauli yamai shia lir, kibuba Yisu khrista taochi, aser Tsüngrem (2 Kor. 13:14).
Parnok asempronglaji Tsüngrem. Parnok ajaki taküm kümaktsür. (Yhn. 5:21) Yisu Khrista aser tanela temeshiji Tsüngrem nungi balaka masü, parnok ajak Tsüngrem. (Tsüngrem ka nung asem) tanela temeshi, pa-a asem rongnung ka, shibai asenok den jembir, asenok sayur, aser asenok den tesendaktep ayur. Parnoki kibuba külema aser lumia alidang tanela temeshi-i ashi, “Barnaba aser Saul, kechi atema ni parnok jatet iba mapa inyaktsü asoshi parnok balaka pila-a yuang (T. Mapa 13:2) “Saka parnoki tashi manga aser pa tanela temeshi jashidaktsü………(Is 63:10) “Saka shibaisa tanela temeshi anema ataladir putusa putu tatok maka.” (Mk 3:29)
Tanela temeshi
Tanela temeshi, pa tebu aser techi den ka. Tanela temeshiji Tsüngrem tanela; Khrista tanela aser Khristaji Tsüngrem. Saka techirji tebu masü, pa Tsüngrem ajaso chir. (Yhn 3:16) aser tanela temeshiji tebu aser techir yokba. “Saka teyarir, oda Ochi tanela, shiba tebu nungi adoker, pa ni nenok dangi yoktsü aser pa arutaka nungi pai kü indang kuli asütsü. (Yhn 15:26) saka parnok ajak ka dang. Yisui pa orr tanela temeshi asenok dangi yoktsü indang (Yhn 14:16-20, 26) nungji tejangja shia lir.
Tanela temeshi, pa Tsüngrem tanela alimaji kecha mekümteti tazüngla liasü aser amang tzüyim manung liasü aser Tsüngrem tanela   tzü manung liasü. (Lip 1:2) Tsüngrem tanelai ni yangluogo; Aser ajak takoksang tangulai kü nem taküm agütsür. Tanela temeshi-i tang aser tarutsü indang asenok nem metetdaktsür. Pai peisasa nungi mejembitsü, saka kechisa pai angashidir item indang pai jembir. Paji ochi tanela; tanela temeshi (Yhn 16:13) Aser ni asoshibo ibai nenok den tezüngzüktepba lir, ta kibubai ashir. Kü nela koba nenok madak lir, aser kü o koba ni nenok bang nung enoktsüogo, nenok bang nungi mepilatsü….tang nungi aser teti mepilatsü ta kibubai ashir. (Is 59:21) Ne tanela nungi ni koleni aotsü? Mesüra ne tsüngdang nungi ni koleni ajentsü. (T. Ken 139:7)
Kechiyong tzüra-a aliba linük nung tzü aser ali takong manung ayongtem ni meküploktsütsü; aser chinur dak kü tanela aser ne dak jakzükbatem dak kü temoatsü meküploktsütsü. (Is 44:3) Is 42:1 Nai mulungba inyaktsü kü dang sayuangma, kechiyong na kü Tsüngrem lir. Ne tanela tajungi Lenten lenmang nung ni anidakjangma. (T. Ken 143:10) Tanela temeshi; pa taküm aliba tanela.
Tanelai tamangertem den jembir. “Tanelai Filip dang ashi, “Anasai oang, aser iba talungtsü jagi na-a tuang.” (T. Mapa 8:29) Tanela temeshi pa kibuba tanela idangji kibubai ashi, “Kü nelai nisung den teti rara-a malitsü…..(Lip 6:3) mapa nung tedangshi nisung ajak shir nemsa ni tesangra shisatsü agüja lir, parnok dang Aron atema tekülem nung abentsü süoshi yanglutsütsü nai shiang….(Anitet 28:3)
Tamangertem dangi tanela temeshi aruba kodang tenemnü buba Benjong anogo atong, parnok ajak külemi tesem ka nung sentepa liasü…..Mi jangruba temeli ama parnok dangi adok aser aji lemsar parnok shia dak amenlok. Parnok ajak tanela temeshi agi asüng, aser tanelai parnok nem jembitsü tashi agüja bendanger oshitem nung parnoki jembimeso. (T. Mapa 2:1-4) idangji kibuba tanela Gideon madak aru, aser pai jangzü ka apu, aser Abiezra nunger pa sülen aotsü külemi sentep. (Oben 3:34).
Aser Nun jabaso Yishusa shisatsü tanela agi sünga liasü, kechiyong Mosai pa dak pa teka agi nemet, aser Israel chirtem pa dang anga….(taz 34:9) kibuba tanela pa madaki aru, aser pai Israel O bendang….(Oben 3:10)