Tsüngrem aser Tamangertem

Tsüngrem :
Tetenzük nung Tsüngrem liasü, aser Tsüngremi pa mesükba nung meimchir yanglu. Tsüngrem aser meimchir tetsüngdai Yisu khrista ai. “Kechiyong Tsüngrem o nisung na tetsüngdai Yisu khrista ai.” (I Tim 2:5). Anungji Yisu dak amanger ajak metendaktsür, aser pa ajanga dang asenok Tsüngrem den tesünep nung alir. Tetenzük nung o liasü, aser oji shi aküm; aser asenok rongnung mapang tatsüka liasü. (Yhn 1:14)
Yohani ashir, Yisu khristaji Tsüngrem O, kechisarena meyangludang Khrista liasü. Alima meyangludang Khrista liasü (Yhn 17:5). Tetenzük nung Yisu Khrista liasü, aser Yisu Tsüngrem den liasü. Yisuji Tsüngrem liasü ta asenoki amangogo. Ya tejangja kuli Yohani zülu. O medeni Tsüngrem maliasü, O medeni kecha meyanglu, oji Tsüngrem den liasü. Anungji O aser Tsüngrem tena tepila amai, oda ashitsü agi tebu aser techir amai, saka Yohani ashir; oji Tsüngrem liasü. (Yhn 1:1) Anungji Khristaji Tsüngrem den dan ali masü, paji Tsüngrem liasü. Khristaji Tsüngrem chir dang masü, paji pasasa Tsüngrem.
Yisui pa nütsüngtem dang ashi,….shibai ni nguogo, pai tebu nguogo. (Yhn 14:9) “Ni tebu dak lira ser tebu kü dak lir….. (Yhn 14:11) “Ni aser kübu ka dang” (Yhn 10:30) tsungremji tanela, aser pa tanela tashi jagi nisungtemi paji shtiakba lir ta külemer. (Yhn 4:24)
Tsüngremi Abram dang ashi, “Ni ajak takoksang, kü den jajang aser tai makai liang. (Lip 17:1) Davidi yamai zülu, “Ne tanela nungi ni koleni aotsü? Mesüra ne tsüngdang nungi ni koleni ajentsü.” (T. Ken 139:7) Kechiaser Tsüngrem ajak len lir.
Nisung shingaia Tsüngrem tsüngdang miima alitsü makok, kechiasder pa ajaklen lir. “Ni mengutettsüsa nisung peisasa miima litetdima ? ta Kibubai ashir, ni anüng aser alima masünger no? ta kibubai ashir.” (Yer 23:24) Tsüngremi meimchir pa mesükba nung yanglu, Pai tebur aser tetsür yanglu. (Lip 1:26-27) tetenzük nung Tsüngremi anüng aser ali poktetdaktsü, alimaji kecha mekümteti tazüngla liasü aser Tsüngrem tanela tzü manung liasü. (Lip 1:1-2)
“Saka Abrami langzü, “Oh tematiba kibuba, ni techi mali….ajangla nai kü nem kechi agütsütsü?” (Lipok 15:2) Tsüngremi anüng ali yanglu, “yamaji anüng ali Tsüngremi yanglu.” (Lip 2:4) Pai ashi, “Nenoki kibuba Tsüngrem ola angadisüra, pa tsüngdang kechi shitak aji inyakdisüra, aser pai melabatem nung temulung agütsüdi süra, Ijip nunger dak ni tongdaktsüba tashitak kata ni nenok dak metongdaktsütsü, kechiaser na anebtsüba kibubaji ni lir.” (Anitet 15:26)
“Kodang Gideoni ibaji kibuba tenyar ta metet, pai ashi, Ayatai, oh kibuba! Kechiaser tang ni kibuba tenyar tejak o tejak jitepa nguogo.” (Oben 6:22) David Chubai ashir, :kibuba kü sannüker, ni kechaia manüngtsü.” (T. Ken 13:1)
“Pa tendak Yihuda kümzüka alitsü, aser Israel lendong makai alitsü, aser pa dang ajatsüba tenüngji ya” kibubaji asen temeshiba lir.” (Yer 23:6)
“Tema temeket nung süklep meriyijang terti asütsü, aser iba anogo nung jagi iba yimti tenüng Kibuba yangji lir ta asütsü.” (Eze 48:35)
Kechiaser na tulu, aser sayatenya mapa inyaker. Na Tsüngrem lir. (T. ken 86:10) saka kibubaji atangji Tsüngrem lir, pa taküm aliba Tsüngrem aser teti aliba chuba…..(yer 10:10)
Tsüngrem shianga na ama mali, oh Kibuba; Nai nisungtem temenen ajak adoker. (Mik 7:18) (tatok agütsüba Tsüngrem)
Ao oshi nung kibuba ta ajar, Engraji oshi nung Lord ta ajar, aser Ibri oshi nung Jehovah ta ajar.