TSÜNGREM ASER TAMANGERTEM

~ K. Imliyanger Jamir, Erali bill, Dimapur.

Pa kü tesayur.
Pai kü dang tanela nung sayur,
Pai len tuyur aser kü lenmang nung;
Pai ni tesangwa nung jajadaktsür,
Pai khen khenbo kü den jembir;
Pai khen khenbo merenshir aser artsür.
Pai ngudaktsür aser angatetdaktsür,
Teshitettsü shisatsü pa nungi
Pai ajungshidang ni süngjema meliteter;
Pai kü nela tashi aser tasü itshidaktsür,
Pai kü nela jangratemdaktsür;
Aser kü nela anisüngzükdaktsür.

Pa asen rongnung ka;
Shiba tamangertem mulungjang nung alir,
Pa teti tatem makai alir,
Tebu aser techir ama;
Saka pa tebu mesüra techir masü,
Pai Tsüngrem tanela;
Khrista tanela;
Tanela temeshi,
Pa asen rongnung ka;
Pa kü tesayur.

Pai tamanger kar dak;
Pa mapa jungkai adoka sayur,
Pai tamanger nem sempet balaka apouktsür,
Item sempettemji pai pei mlungba ama apouktsür,
Tamanger shia dak pai mapa inyakbaji kasa masü,
Anungji tamanger shiai;
Kasa kuli mesüteter,
Saka tamanger shiai;
Kasa tanela nungi dang sempettemji agizüker.