Tsüngrem Chirtem

Yisuji Khrista, ya shibai amangdir pa Tsüngrem nungi aso. 1 Yohan 5:1

Tsüngrem semchirtem mali, techirtem dang lir. Ibaji ken shisadangang.

Mosai Israel nunger temenentem pai abenba ajanga parnok Tsüngrem semchirtem kümdaktsütsü mulunga liasü. Saka Tsüngremi masü ta ashi – “Shibai ni anema temenen inyakdir Ni pa Kü kaket nungi aidoktsü.” (Anitet 32:33).

Yisu mapang nung yimsü nung lenirtemi kotak nung parnok menden balaka lir ta amang kechiaser parnok Abraham “semchirtem” lir. Yisui parnok jakzüka arubaji  Pa tsüngdang kecha balaka mali ta parnok dang angatetdaktsü.

Asenok arogo nung talang ka lia tenzüka arubaji kecha mali, tetsü-tebou nungi amanga arubaji kecha masü, asen kinünger missionaries aser sayutsüngir asüba kecha masü. Tsüngrem den yimjung alitsü asoshi asenoki Yisuji asen Kümtetdakba ta asen sasa amangtsüla. Mesüra asen chirnur asoshi aseni amangtsü makok. Iba lesson angazüktsüji tasakba asütsü.

Tsüngrem semchir-semnur mali.

Iba jagi Tsüngrem aser ni na tsüngda nung dang tesendakteper akar – kati ka den. Yisui kü menen bener ao. Ibai Tsüngrem taochi aser tamang ajanga agütsü. Iba jagi ni kümzük – tetsüngda nung shinga mait.  Ni Tsüngrem chir indang indanga dang aküm.

Tsüngrem, Na kü Bu: Nai ni Ne chir yanglu. Ne temeimi ni teti kümzüka ayur. Ni Ne dak tashi ita lidakjang. Amen.