Tsüngrem dak tamang ayuba

Saka ni ka asübo, ni Tsüngrem bushitsüla, aser kü O indang Tsüngrem nem agütsütsüla (Lip.18:14). Ne mapa nung Kibuba mulung kadakjang; ano Pa dak amangang aser Pai aji ataloktsütsü (T. Ken 37:5). Kecha nung temulung tatemma, saka ajak nung sarasademba aser mepishiba aser tenüngsang agi nenoki mepishiba Tsüngrem nem metetdakjang (Fil 4:6). Nenok shisabuluba ajak Pa dak yuang kechiaser Pai nenok asoshi anepalur. (1pt 5:7).
Aser iba osang abener ket nungi Hezekiah shitiji agizük, aser aji azüng: aser Hezekiah Kibuba dangi atu, aser aji Kibuba madang lemdaka ayu. Aser Hezekiai Kibuba dang sarasadema ashi, “O temeranger Kibuba, Israel Tsüngrem, shiba Cherubim manung mena lir, na Tsüngrem, oda na mesüng, alima yimli ajak madak lir, anüng aser ali Nai yanglu (Isa. 37:14,15). Idangji parnoki majadang ni langzütsü, parnoki jembia alidang ni angashitsü (Isa. 65:24). Anungji nenok aneptsü asoshi medemeri medemer madang pei temenen nangzükang, aser medemeri medemer asoshi sarasademjang. Temeshi nisungi mepishiba aser inyakba nung kanga tajangzük lir (Yakob 5:16).
Ni Kibuba meimer, kechiaser Pai kü pela aser kü temepishiba angashia lir kechiaser Pai kü dangi Pa tenarong shitsür. Aji asünung kopiga ni taküm lidir papigaji Ni Pa ajatsü (T.Ken 116:1,2).
O Tsüngrem, Nai ajak akoker ta ni mamangtetba atema kü dang tai tokangma. Amen.