Tsüngrem kechisarina poktetdaktsü

~  Rev. P.L. Wati Longchar
Retd. Child Missionary

Tsüngrem o agi anüng, ali, takümsangnü süngdonglidong ajak konger aponger amai adokdaktsü ya Lai kuli. Itemi kutdang asütsü ali agi Adam pa mesüka yanglu, odang yutsü asubo süngyanglu ka ama süla, saka Tsüngremi pei tangola apuoktsü aser akümlir ka aküm.
Nisungbo poktet masü Tsüngremer teka agi pa mesüka yanglu. Süngdong aser long yabo poktetdaktsü. Nisungbo teka amshia yanglu. Naro pongdaktsü, ali chipo yabo poteperi yanglu. Naga nungertem ya Tsüngremi yanglu asü mesüra tesem kar nung pokteter bilemdangdi. Yermia 2:27- Shirnoki süngdong dang kübo ta ajar aser long dang nai onok poktetdaktsü ta ashir parnoki Tsüngrem tsütsü terongdong tongloktsür. India nunger senden shia ‘Jana Gana’ ya meteni malir. Naga nunger anthem kechi asütsü. Aor senden nung kechi ken tener nülak asonger iba yagi Tsüngrem peladi ma? Asenoki kechisarena poktetsang Tsüngrem dak amanger. Limapurtemi pai pokteta yutsübatem külemer. Iba yimsü toktsür Aor küm 140 shi arudar. Anosa teyanglusang tsütsü terongdong tongloktsütsü asü koda?
1 Timo 1:4 Tatem makaba kin kidong otsü kobai rarapangsentepang tali adokdaktsür itemia amajok ta ashiba ya shisadangdi. Yisuji temeshiba anü ta Malaki 4:2 nung shia lir. Rome nungertemi Anü tsüngrem ya kechisarena yangluasng ta külema arur tesülen Anü poktetsang Tsüngrem chir Yisu ya ajak yanglusang ta angateta arur Yisu shia aruba anogo Deobarnu ya Sun-day ta ajar aser yamaji calendar nunga amshir. Na alidak kinükji sangwajang ta asüba ya Yisuji kinük long. Iba longma nung asen tamang ya yangertet nungbo lanlia ya longma nung ni nokdaker yipru mopung aruaka kodanga melaotsü. Gadoi pei kibur bushir, nisungji pei  teyanglur memetet koda ka tamashi.