Tsüngrem külemba kidang tenla ki/Sentep ki ta ajaba aser Deobar Anogo anüpdang sentep dang Devotional Sentep ta ajaba ya kechiba ajar?

~ S. Medem kichu, Lerie Colony, Kohima.

a) Tsüngrem külemba kidang Tenla ki/Sentep ki ta ajaba ya kechiba yamai ajar, kari danga meteta lira iba Otsü ya ashi nung ajak atema tajangzük asütsü ta bilemer, kechiaser ni dang masü asen Aor-Aotsür timbai iba tetezü ya memetet alitsü südi. Yimya agi, yamala ki dang “Tekülem ki” ta ang ajatsü tapet lir, kechiaser iba kidang sentepa shingaia alima otsü mejembir, saka mejamejaa dang Tsüngrem dang külemer asünung tekülem ki ta ajatsübaji ang tapet masütsüna ta bilemer.
b) Devotional Sentep indang : Iba indang nungbo ni angatetba ka tera rasa-a shinür, kechiaser tang aseni ajaba tenüng yabo tai amshir ta nibo bilemer.
Devotion ya English O lir aser iba tetezü ya Dictionary nung reprangra Sarasademba aser Tsüngrem külemba ta agüja-a lir. Devotion ya Noun form nung amshir aser Devotional ya adjective form nung amshir. Yimya agi adjective O jangji noun sulen teti alir asü nung asenoki Devotional Sentep ta amshir.
Iba tetezü ajanga aseni meteter Tsüngrem külemba mapang nung Devotion mapangji Deobar anepdang sentep nung dang agir masü, Tsüngrem külemba mapangjibo ajakji Devotion mapang lir. Devotion mapang yimya agi ken atener, sarasademer, Tsüngrem O bushia Pa külemer.
Süra, aseni Deobar anogo anepdang Sentep dang Devotional Sentep ta jara, tanga mapang Bodbhar aser Honibar aonung Sentep amala nungbo Devotion mapangji magi-i alima nüngdakang jembitsü senteper asü ? Bodhbar, Honibar aser Deobar anogotem ajak nung amangba purtem sentepa pa külemba mapangji Devotion mapang lir.
Temalen agütsüba item kulitüm ajanga aseni meteter, Deobar anepdang sentep dang Devotional Sentep ta ajaba melena, Deobar anepdang tekülem sentep ta ang ajatsüla aser ano asenoki Tsüngrem külemi aodang Sentepi aor ta jembir, saka yamaji mesüi tekülemi aor ta ang amshi nung tapetba lir.