Tsüngrem Mulungjang Meimchir dak

~ I. Supong Longkumer, Darogapathar, Dimapur.

Otsüla oboula nunger mapang parnok ten moijing dena liasü. Anungji parnoki moijing külema aru. Süng long aser meta tara, aser süngkong süngyanglu külema aru. Parnokia tenük agi manguba Tsüngrem koba dang Meyutsüngba, Longditsüngba, Anüngtsüngba Tsüngrem ta ajar, itemji külema aru. Saka taküm Tsüngrem masü moijing asünung temeim maliba agi leptep tsüngtepba, azü tokshitepba, yimtsüng kati yimtsüng ka den leptepba aru. Anungji alima ya anü maliba ammang masü kati ka tsübuba tammang kija dasen majungba lima liasü.
Pei yimtsüng telongtet lushi nunga sünga alu dalen oli oratsü mesadem kodang, kong lepzüka aotsü ta tsübuseta, yimdak tzütai aotsüa tsübuset liasü, kechiaser tsüpo tashi tzütai aor dena lepzüka aoba agi alimaji kanga tammang liasü.Iba tensa tia Tsüngremi ngua America lima nungi Dr.Clark apusua aruba ya Naga limai odi ta renemer aruba masü saka alimai metetba lima kati apusuba alitsü südi. Saka kodang Assam tonga aru asen Aor tzü talang alir kar Assam nung shishilembartem shiruru mesüka mangsa merükmeju mali kongrakongrar tzümari chiyongtsü tamajung entokba, shiruru tasü rema akaba kakteta azüi achiba ama chia jema jajaba ajurua Tsüngrem temeim agi Dr.Clark den jempia pa nem mesempadaktsü, saka kanga aria bilemdaktsür parnok sülen Mulung yimdaki tudaktsü. 1872 nung Mulong tonger kanga amokmerena benshi ,saka Tsüngremi tetsübu samatsür parnokji mesüzüka tanem tanemi Yisu temeim agi Mulung bubger dangang masü, Ao lima ajak kongshidakja, temeim metetdaktsür külen nungibo alu dalen dang masü onpang tema alir, Mere,Sangtam aser Moyar ajak Tsüngküm mapang tongra telok telok ayongteper Marani, Amguri, Jorhat-i shishilembai alutsü metsüpu , talu dang anogo ana asem tatu danga yamaji anogo ana asem jajadang shiruru tamajung ajurutsü tsüpuba dak alema nokden tsüden anena adokba agi penjongbentsür ama longsutepba liasü, aser Aortemi Mere, Sangtam, Moya, Tsüen ajak semjema Yisu osang tajung agi süngdaktsü dang tammang agi tesünep melena akümdang Dr. Clark aser kibong dak Tsüngrem koma pelar alitsü, aser par kibongjia Aor dak koma pelaseter alitsü.
“Tanü koba tia nung ali yamai dang lia arua ta bilemer asü ? Tanü Tsüngrem tenzükertem ajungben bilema maliba tani tebelem ken ken ajuruba dak alema asaa tang pei khu pei-i bener tetsüng agi hopta junga Tsüngrem osang tajung sangdonga jaja lir asü ? Sen dang maa, magili ta shiteter lir asü ?, nüngsen yutsür tekong tendaka tila kümer inyaker lir asü ? Tsüngrem yaritsü pei rongsenbo magütsünü nung foreign teyari meshir timtemer dak ishika endoker tanüngba nungi ter shilem agütsür pei senpong yarir karbo lir asü ? Pen küraka sen yanglur ter shilem bena Tsüngrem mapa inyaker karbo lir asü ?
“Oh Kibuba, ozü Aortem rongnungi Dr.Clark aser par kibongi inyakba ama karbo lir asü ? Elishiai Naman nungi sempet magizüktsü atema majurutepba ama karbo lir asü ? Lanlia kanga tajung süla, tsürabur tongmelang tamang temeim agi amongtsümong külem kija ajak, azüng ashi ajak anendakja tesünep nung pelaseta anir aruogo.
“Oh Kibuba, tanü külem kija dak alaka amongtsümong aser yartsüngsang kin ajak nung asentenshi daktsüogo.Rongsen aser senotsü nung ochi mashi miimmenütsü ozüi anir tenzüktsüogo.Küm tenem shi Naga lima ajak kanga dang topur junga yangluteta jangratema lia arugo, saka tang küm ter tsüngda nung lenmang tem ajak ayong kümdaktsügo.
TSÜNGREM TEMENENJI PA MANGYANGBA DANG TASHI TAITBA.
Oh Efraim, ni na koda chioktetsü? Oh Israel ni na koda kümzüktsü? Adma ama ni na koda kümdaktsütsü ? Zeboim ama ni na koda toktsütsü aser telong nung kü mulung mesensar, kü taochi külemi jangrua lir, kü tesashi ain atokba ni memeyiptsü, kechiyong ni Tsüngrem.Nisüng masü, nenok rongnung temeshisang lir aser ain adokba yimli jagi maitsü. Oh! kibuba, ozü Aor dang aser ozü lima danga azüokangma.
Meimchir temenen atema Tsüngrem mulung mesensa aochia bilembaji Pa asoshibo temenen tulu ama Pai züngshir. Hosea 11:8-9.
AMEN