Tsüngrem Ne Den Lir

Yamai temeranger Kibubai ashir: “Item anogo nung ya oda ataloktsü, kintem oshi ajak nungi nisung teri Yihuda nunger ka dak sü nung sotter ashitsü, onok nenok den aotsü, kechiyong Tsüngrem nenok den lir ta onoki angashiogo. – Zak. 8:23.
Tsüngremi Pa nüburtem Tanela Temeshi agi sünga lidaktsüner idangji tangari Pa ain parnok dak aliba metettsü.
Ainkar Zakaria ajanga, Tsüngremi Pa nüburten dang parnok pa atenba balaka sayutsüla ta ashi. Tsüngremer nüburi Pa anasa jajara, alima ajungai parnoki Tsüngrem metetta lir ta metettsü. Nüburi Tsüngrem chir ka ngura, parnoki pa/la den alitsü yongyatsü kechiaser yamaji aliba ajanga parnoka Tsüngrem anasa alitsü ta parnoki bilemtsü. Tekong 20 nungi 22 tashi nung kintem teyongya alidang ainkari ashir.
Tangar ne tsütsüi anir arutsüsa Khrista akaba kuli ne taküm nung alitsüla. Parnoki parnok chirtem ne chirtem den lidaktsünütsü kechiaser ner chirtem Tsüngrem metetba nung indaktsü. Mapa agütsürtemi na parnok mapa nung anioktsütsü, aser tanishir südaktsünütsü kechiaser parnoki na Tsüngrem den tsüngchir süa aliba metet. Ne taküm aser kibong tangar atsüa aruba tashi (magnetic) ka ama alitsüla. Parnoki ne den aser ner kibong nung Tsüngrem dena lir ta bilemba ama ne taküm aser kibong alitsüla. Nai Khrista ne den aliba kuli tali sayuli, nüburtem tali Pa dangi atsür aruli ta asütsü.