Tsüngrem nungi senmang – T. Ken 127:1-5.

Kinü tanur tetsü nu menden nung alidang raksaa endokbaji tejashitsü lendong lir. Tetsü nu mendenji leper kümdaktsür.
T.ken 127 nung ashir, ” Angang chirnurji Kibuba nungi anguba senmang, aser nu menden tejangji pa tajangzük lir. Temeranger nisung ket nung lijakjang ama, yamaji atura mapang asoba chirnur lir. Nisung shibai pei lijakjang pungdang sünga tepelatsü. Kodang parnoki parnok tsükchirtem den süngküm nung jembidir, parnok maksüa malitsü”(t.3-5). Ken züluri ashir chirnurtemji rongsen-senmang ka aser Kibuba nungi anguba senmang.
Rongsen jagi asenoki kechi inyaktsü ? Mezüngbuba asenoki aji agizüker. Kodang asen tanurtem asenok dangi arudir, asenoki parnokiji agizüker. Parnokji Tsüngremi asenok nem agütsüba sempet, rongsen ka lir, aser asenoki asen chirtem kümzüktsüla. Parnok masüdang mekümzükbaji kanga dang tai lir.
Idangji asenoki parnokji rizüngtsüla. Asenoki tanurtem dang sayutsüla, angazükdaktsütsüla.Temeshi taküm angazükdaktsütsüla. Parnok takümji sen rezüngba akümer, aser tajangzük arutsü tenzüker. Tambur- tantsür kümer tepela tulu angubaji lir. Tanurtemi asenok takar kümdaktsür.
Saka tanurtemji nok-o-nüa lir- “lijak jang temeranger nisung ket nung ali ama” (t.4). Khristantemi alima nung Tsüngrem metetba tanurtem mesotetra shibai Kibuba asoshi raratsü? Kodang Tsüngremi alima nung mapa tulu inyakner, pai tila tanur alima dangi bener arur- Mosa, Samuel, Dawid, Yohan Baptitsüba aser Kibuba Yisu Khrista. Iba temenen lima nung, kodang ochiba anemer atoker, iba anema noktaktettsü asoshi asenoki “Kibubai yamai ashir ta shitettsüba tanur asenoki sayutettsü tenüngdaktsü.
Chirnurtemji Tsüngremer temoatsü saka ano mapa tulu. Kibuba nungi shisatsü agia tanurtem mesüang. Tsüngremi mulungba ama parnoki tenzüktettsü asoshi parnok renemdakjang aser pai ne nem agütsüba senmang nung pelaa liang.