Tsüngrem o agi metongshitsüba

“Tsüngremi apuoktsüba Lai shia ana tesayutsü, tarütsütsü, metongshitsütsü, temeshiba nung aliba sayutsü asoshi tajung lir. ” (II Tim. 3: 17)
Laishibaji tabensa kaket. Ibai Tsüngremer tekümtet otsü kaket kisüng masü saka lenmang aisü nung tajangzük agütsüba Temeshi Lai. Tsüngrem o ji ajaki keta sena amshir aser yangji aliba taküm 0 nung tamang akar.
Tenyar Pauli asangur Timoti dang iba Tsüngrem o ji tamshitsü lenmang kar sayuba angutsü, tesayutsü, tarutsütsü, metongshitsütsü, temeshiba nung alitsü sayutsü. Au, Tsüngrem Oji asenok jashiba, mesüra as en mepelaba Tsüngrem o anar jembitsü indang ashir masü, saka tanela tajung nung kati ka ajungshitepba aser laoa alir mesotsü atema Tsüngrem o ji tajung ta Pauli ajungshir. Asenoki tesayubabo anganür, saka sayutsüngiri, sannükeri tensa den apir khen khen aseaok dak apet tarütsü o Tsüngrem o nungi ashi dang asenoki agizuktettsüa nüngdaker. Kechiyong Tsüngrem o ji tajung shimshima asenoki anganütsü o ashitsü Tsüngrem o masü. Saka Pauli ashi medem tesayutsü, tarütsütsü, aser metongshitsütsü atemaa Tsüngrem Oji lir. Atangji, ibaji yirutsütsü atema masü saka temeshiba nung aljtsü nükjidong lir.

Sarasadem :
Kibuba, Ne O-i kü dang arütsü dang ni ajemalua agizükdi. Kechiyong iba jagi ni taitsüba lenmang nungi ni kümzüker. Amen.