Tsüngrem o ajanga atsüng

Kü O mi memesük no? ta Kibubai ashir, aser lung anüka raksaba yintem ka memesük no? Yerimia 23:29.
Nai koba teti angashir shidak nai amanger. Aser nai kechi amanger iba jagi ne lenmang aser telemtetba aser alizüng agidaktsür. Pauli Filipi nunger dangi züluba nung ashir, “Ni iba O kasa nenok dangi zülutsü ni atangji malaker, saka aji nenok asoshi tekümdangtsü.” Fil. 3:1.
Nai shidakba mangashidang nai kwiben angar? Nai mapa agi meinyakdang tama kwiben angashir? Kari ashir kodang angashibaji kar maneni anogo 30 inyakdir, ibaji ne shilem ka akümer. Tang iba onük nung ne nüngdak oren ka agiteta, ibaji ne shilem maküm tashi züngjen züngang.
Yisui ashi, “Taküm agütsübaji tanela lir; shibo amajok” (Yn. 6:63) Mezüngbuba, Pa otem ne tanela daki aittsü, aser itemji ne taküm nung shilem ka akümtsü. Aji oda mesüra na tazüngla nung arakzüba ka dang asütsü. Anogo shia ne shi takümji Tsüngrem Oi ajenshipet ajenshitsüla aser shi yimya ajensa intoktsüla. Idangji nai tesem ka nungi Kibuba den apusotsü.
Tanü O jagi ne taküm nung mapa inyakdaktsür asü ?