Tsüngrem shiba ajanga nenok pa chir asen Kibuba Yisu Khrista den lungjemdaktsütsü aja, Pa temulung lemtetba lir (1 Kor. 1:9)

Aser asen temang tzü temerük agi shidok nung asen teyimla nangzükba marakzüdaktsüi asenoki ametdi, kechiyong shibai nangzük pa tsüngchir (Ibri 10:23). Aser süngyanglu den Tsüngrem tenla ki kechi puteptet? Kechiaser asenok taküm Tsüngrem tenla ki, Tsüngremi ashiba ama, Ni parnok rongnung alitsü, aser parnok rongnung jajatsü: aser ni parnok Tsüngrem alitsü aser parnok kü nübur alitsü (2Kor. 6:16). Onok den nenoka lungjema akümtsü asoshi kechi onoki angu aser angashi, aji nenok danga sangoktsü; au, aser onok telungjem Tebu aser pa chir Yisu Khrista den lir (1Yn 1:3). Saka kodaka nenok Khrista timtem lemsatepertem lir, pa sentsüwangshi jungkai adokdaka nung nenok kanga tepelaba agi pelatettsü asoshi, patakaji pelaang (1Pt. 4:13).
Tamang ajanga nenok temulung nung Khrista litettsü asoshi, nenok temeim nung tera yanga akangakanga noktaker, nenoki temeshi pur ajak den lenden aser metong aser tema aser tarok kechi lir, aji angazüktettsü asoshi, aser temetetba ajak taoba Khrista temeim metettsü asoshi Tsüngrem tabensaba ajak agi nenok asüngtsü asoshi, ni Tebu dang sarasademer (Ef. 3:17-19).
Yisu Tsüngrem Chir lir ta shibai nangzükdir, Tsüngrem pa dak lir, aser pa Tsüngrem dak lir (1Yn. 4:15). Aser shibai pa ozüngtem benshir pai pa dak alir, aser paia pa dak alir, aser pai asenok dak alir, aji pai asenok nem agütsüba Tanela agi asenoki metet (1Yn. 3:24).
O Tanela Temeshi, Na kü mulungjangi arung aser Tsüngrem kü mulungjang nung aliba angatetdakjang. Amen.