Tsüngrem taochi agi kümzük

“Kechiyong taochi agi tamang ajanga nenok kümzüker: Aser aji pei sasa agi masü, saka aji Tsüngrem sempet.. ” Efesa 2:8
Tsüngrem taochi tashi ya asenok asoshi jenjang ulura lir, Alima aser meimchir ajak takok, temoatsü aser Pa tangatetba, Pa temeim nung yanglu, saka asenoki Tsungrem den toktep nung asenok temenen lar aküm. Alima yimya nunga kodang asenoki oset ka yanglutet-tir, iba osetjibo raksayonga asenoki odang meimer, iba amaji, Tsüngrem temeim ya asenok asoshi ulura aser asenoki Pa temeimji kodanga masadangtettsü.
“Kechiaser pa teyangluba mapaji asenok, aser koba mapa tajung nung asenoki jajatsü Tsüngremi alemli renem, iba mapa tajung asoshi Khrista Yisu nung asenok yangluogo”
Efesa 2: 1 0…. Temeneni alenbanger aliba, Tsüngremi asenok nisungtem Pa taochi tashi agi asenok alangzük. Atangji Pa taochi tashi nung; Pa temeim tashi lir, Pai asenok temenen lar nungi kümzük, tatok sayu, tanaben tasen jenjang agutsü aser asen taküm ka ya süaka, teti tatem maka temoatsü lenmang lapoktsü, koba asen tanela kümzüktsü taochi sayu.
Sarasadem:  Kibuba taochi tashi asoshi pelar. Amen