Tsüngrem tashi Tulusang (Isa.9:6)

Nisung chir rongnung na tebur tajungtiba: Ne tebangmechi nung taochi enokja lir: anungji Tsüngremi na tatem makai moatsütsü. O Tulusang, Ne nok nokleptsü nung semang. Ne sentsüwangshi aser yimsüsüba takok sang. Ochiba aser ajemaluba aser temeshiba atema. Ne tamarenba akhüm nung takok ngua sanger oang: Aser Ne teka tachichi agi ne dang tetsübutsü mapa indang sayudakjang. Ne chuba menden, O Tsüngrem, teti tatem makai lir: Ne chuba mechi ji tejak mereprangba mechi lir (T. Ken 45:2,4,6). Idangji Ne temeshipur dang Nai mangdang nung jembi, aser ashi, tashi iter ka manung ni korang yutsüogo. Nübur nungi shimtetba ka ni ulutsügo (T.Ken 89:19).
Ajiang, Tsüngrem kü tekümtet lir, ni amangtsü, aser metsübutsü; kechiyong Kibuba Tsüngrem kü tashi aser ken, aser Pa kü tekümtet lir (Isa.12:2). Saka Tsüngrem, shibai Khrista nung onok takokba nung teti anir, aser onok ajanga Pa temetetba teronem ajaklen jungkai adokdaktsür, Pa tenüng sanga liang (2 Korint 2:14).
Tang shibai nenok tetsüng memetsüi lidaktsütsü akok, aser nenok tarak meketi tepela tulu agi, Kü sentsüwangshi madang yutsütsü akok, ibai asen Kümtetdakba Tsüngrem ka dang atema asen Kibuba Yisu Khrista ajanga, mapang ajak dang tama aser tang aser teti tatem makai, sentsüwangshi, ain aser yimsüsüba aser tashi sang. Amen. (Yihuda 24:25).
Oba, Na uluba aser mapatem indang kü tebang agi jembitsü yariang. Amen.