Tsüngrem Tsübuba Tajangzük

Idangji nai Kibuba tsübubaji angatettsü, aser Tsüngrem shisatsüji bushitettsü. – A. Shin 2:5.
Alima shisatsü agi aseni Tsüngrem peladaktsütsü makok. Alima nüburbo peladakja mulung südaktsütsü akok, saka Tsüngremibo mulung machitsü akok.
Anungji takokji angateta Pa peladakja amangtsü, tenzüktsü, küli asütsü Tsüngremi molunger. Pa meim shisatsü tarok angatettsü kanga nüngdak . Pai na/ni j angja metetba aser aseni Pa aroka metettepba ajanga Pa molungsü ajak asen dang Pai ashitsü.
Yamaji asenia asen nüngdak ajak Pa dang shitettsü aser meshitsü akoktsü. Anungji Tsüngremer shisatsü angatettsü Pa anasai aotsü ayongzüker,
Sarasadem:
Kibuba Yisu, Nü shisatsü tarok angateta Na tenzüktsü kü mulungjang lapokjang. Amen.