Tsüngrem yimlaba

Mathi 5:17-20 Ni samatsütsü masü atalokdaktsütsü aru. Mathi 5:17

Yisu yimsüji tatem maka anüng nung chiyongtsü auso dang nungi tali meimchiri ajangshiba tonga aoba lir. Atangji teti tatemmaka tekümtetji pa taküm ajungmesodaktsüba tiyongtsüji lir. Aji saka, ken atema kümzükbaji Pai aria bilemtsüba nung shilem ka lir. Aji asü nung Pa tesayuba nung tanelaren merükteta taküm yimya Tsüngrem yimli sensopur shia nung imlaba kuli teperi dena lir.
Yisui meimchir libaliro nung akanga soitba Temeshiba dang nung temeshiba ka asoshi aja. Tsüngrem den tesendaktep tashi itta alitsü asoshi iba tasen takangbaji nüngdak ta Pai metetta liasü. Tsüngrem den tesendaktep tashi itta ali nung chichiba nütsüng kaji Khristan ka nungi yimlaba mapa tajungji inyaktettsü ain agi sünga alitsü.
Item ya shisadangang: Tsüngremi na nungi kechi yimlar ta nai bilemer? Nai na nungi kechi yimlar iba den medemdangang. Idakji tepela lir asü? Tsüngremi yimlaba ama nai malir ta nai angatetter asü? Ibaji atema nai kechi inyaktsü ?
Sarasadem: Tamajungba nungi onok soitang. Matt. 6:13.
Tenangzüba: Kibubai na tamajung ajak nungi kümzüktsü, Pai ne taküm anüktsü.