Tsüngremer angati sempet

“Kechiyong temenen taaji tasüba lir; saka asen Kibuba Khrista Yisu nung Tsüngrem angati sempetji teti taküm lir” Rom 6:23
Asenok ya Tsüngremi jenjang tematiba nung yangluba lir. Tsüngremi pa shisatsü, tangatetba, aser pa tashi nung ajemdaker, pa mesükba nung asenok ya yanglu, atangji asenoki Pa nem maneni tenüngsang agütsüdi, kechiyong Tsüngremi asenok ya tajung, temerük, aser takokba lenmang nung alitsü yokba lir.
Saka, asenoki tashi manga nung asenok temenen nung alang aser tashi mangaba taaji tasüba agütsü. Saka asen Tsüngrem, taochi agi moshia aliba aser Temeim agi sünga aliba Tsüngrem asü nung, asenok temenen lar kümer aliba Tsüngremisa tanaben asenok ya alangzük.
Tanü asenoki kechi inyaktsü? Asenok ajak nem Tsüngremi angati tekümtet agütsü, Pa Temeim ya atemzükba maliba temeim lir. Tsüngremer sempet koba asen alima rongsen, tashi agi malangzüktetsüba lir, iba teti taküm sempet koba kotaki anitsü tashi lir asenoki ajangzükti.
Sarasadem: Teti taküm agütsüsang Tsüngrem! lba sempet tulu asoshi onoki Nü dang kanga pelar. Amen