Tsüngremi Ajongli Bushir – Yeremia

O Israel kidong, iba poteper amai ni ne den inyaktsü makok no? ta Kibubai ashir. Ajiang, poteper ket nung ajongli ama, yamaji nenok kü ket nung lir.   Yeremia 18:6

Ner kibong dangi, ne tembar dangi, ner telok dangi aser nenok lima dangi tekümtet bener arutsü Tsüngremi metetta lir. Aji oda shirnoki Pai amshidaktsütsü mulunga pei taküm yanglushitsü mulunga pei taküm yanglushitsü mulunga alir parnokji Pai bushir. Ajongliji pa sasa pa atema kecha sentong mali, tenzüktsü kecha tejangraba mali mesüra tagütsüba mapa inyaktsü  kecha nungnanga mali. Ibai ajongli ka dang. Yanglushitsü akokba, amshitettsüba ka dang, master nem bendanga agütsüba oset ka dang lir.

Mapang nung asenoki mulungsoa ashir: “Ni kü tashi, sempet metetogo aser tang ni tajungtiba nung na koda tenzüktsü!” Mapang kar nung asenok Pa nem osang agütsür, “Ni kü tashi maittem metetta lir, anungji ni Na asoshi mapa inyaktsü  makok.” Aji saka ibaji ajungli jaklaji masü. Asen tashi den mapa inyaktsü asoshi Tsüngremi asen tashi kecha latetta meyutsü (2 Kor. 12:9-10).

Pai aginüba ama Pai asenok yanglutsü akok. Kodang Tsüngremi nüngloktsüba mapa nung ajemaluba nüngdaker, Pai ajemaluba tenzüker bushir. Kodang Pa mapa nung tejangraba tashi Pai Pa Tanela agi süngtsütsü tejangraba tenzüker bushir. Tsüngremi temeshi marok amshiner, anungji shirnoki pei dak aliba memerükba merüktetdaktsütsü mulunga alir Pai item nüburji amshir. Ajungli dang alitsüji tamaren mapa ka masü. Meyushitsü asoshi takoksang Tsüngremi bushiba dak alaka iba nung tebur ajungba aser tepuatsü kecha maket.

Tebu dang Pa asoshi nai kechi inyaktsü akok aser kechi inyaktsü makok ta Tebu dang ashitsü ne tebilemba lira, Pai bilemba au ta agizükang aser Pai na koma yangluner yanglutsü Pa dang melaang. Ajungli ama. Po ateper na, ni ajungli. Ni bendanga agüja atar ta shiang.