Tsüngremi kechi aginer

(T. ken 50:7-15)

“Tepela tenla Tsüngrem nem agüjang: aser ne tezüngzükba tematiba nem agüjang: aser timtemba anogo nung Kü dang jaang; ni na kümzüktsü aser nai ni sentsüwangshitsütsü” (t.14,15). Nüburi Tsüngrem obendangdaki arur aser ashir, “Nai onok o bendangtsü makok. Onoki Ne nem tarungba tenla agüja arudagi.” Aser Tsüngremi langzür, “Ne tenla atema ni na martsütsü; kechiaser ne tarungba tenla maneni kü jakdang lir. Ne kidang nungi ni nashi pungchi magitsü, aser ne nabong ki nungi nabong tepung magitsü” (t.8,9). Ano Pai ashi, “Ni yaa ali nunga ni ne dang memeshi-i lila; kechiaser alima aser yangji sünga alibaji kü meyong lir” (t.12). Pai ashibaji “Ni kechi agütsü iba nung jagi nai Kü nem tarungba tenla agütsür.”

Ibaji shisadangang. Kodang nai auso nung tenla inoktsür, nai Tsüngremi magütsüba kar agütsür asü? Mapa inyaktsü asoshi ne nem tashi shibai agütsür? Tsüngremi. Shibai wabang aser mapa inyaker? Tsüngrem. Anungji kodang asenoki Tsüngrem dangi oset tenla bener arur (aser Pai aji aginer), Pai kechi agüja aka iba nungi dang asenoki bener arur. Pai agütsüba nungi asenokia Pa nem agütsütsü Tsüngremi aginer: “Tepela tenla Tsüngrem nem agüjang; aser ne tezüngzükba tematiba nem agüjang” (t.14).

Tsüngremi aginüba tenlaji asen mulungjang nungi adoker- Pa dang ajaba, pa tenüng asangba aser tashi angaba. Pa dangi tenüngsang aser tetushi tenla bener arung. Tsüngremi asenok nem tenüngsang agütsü aser aji “Kü nem meyipa agüjang” ta mashir. Masü, Pa tushitsü asoshi Pai asenok atar. Pa dangi tashi angaba bener arung: “Ne tezüngzükba tematiba nem agüjang” (t.14). Pa dangi sarasadem bener arung: “Timtemba anogo nung Kü dang jaang” (t.15). Kodang asenoki item tarungba tenlatem bener arur, asenok Kibuba sentsüwangshitsür.

Tsüngremi ne mulungjang nungi adokba tenla aginer. Aiben asenok Pa nem tenüngsang aser tetushi magütsüi Pa nungi agizüker. Tanü nai Tsüngrem nem sentsüwangshi bener arudaktsüner asü ? Pai na asoshi kechi inyaker iba asoshi tenüngsang agüjang. Pa o tashi angang. Ne tebilemtsütem Pa dangi bener arung. Item ajakji Pai pasasa sentsüwangshi bener arutsü mapang tajungji lir.