Tsüngremi mulungba – 1 Chubatem 3:9-14 Shitak lemtetba

Obendang tajung aser telemtetba shisatsü kü dang sayuangma; kechiyong Ne temelaba ozüng nung ni amanger. T.Ken 119:66.
Asenok obendang shitak süra takümji jangra tatemba alitsü. Solomoni shisa kaa telemtetba agiba asoshi Pa tenüng tajung angu. Kodang pa chuba aküm pai shisatsü meshi.
Asenokia anogo shia telemtetba agir aser aiben asenoki mekümdang shimer. Kechi ataloktsü mesüra asenoki shimba nung kechi lir aji meshisadangi shimtetter.
Asenok ajaki telemtetba ka lia dang inyakner. Telemtetba tejangja malir shingaia maginer. Telemtetbaji asenoki agira asenoki tangar asoshi aser asenok asoshia tajung bilema agitsüla.
Telemtetba agiba nung tongtipangba tajungji ajemaluba asütsü akok, asenoki ajemalua telemtetba agir mapang ka nung inyakbaji tai telemtetba asütsü akok. Obendangba nung tashi maitji alima ajunga nung meimchir dak aketba tashi mait lir. Kar nem tajungba bendangtsü sempet agüja liaka, shinga tashi mait nungi jenbua mali. Ajak dak alia, asenoki metet: Asenoki aibelena obendanga lira kechi shidak aji inyaktsü aser aji Tsüngremi mulungba nung ayutsü meranga lira, aser asenoki tatok bushia lira, asenok aibelen Khrista tenüng nung asenok aibelenba tatok angutsü ta jangjatsüla. Tejangja metetba aser agizükbaji tongtipangtiba.
O Tsüngrem, Ne O bendang tabensa lir. Ne O ajanga aser Tanela Temeshi-i onok telemtetba ajak yariang; Yisu tenüng nung. Amen.