Tsüngremi pongmang nung jembiba

~ Mrs, Akumla. Dimapur.

31-10-16 : “Tekong tenem aika zükpanga nisung jenti mener sentep agiba mapang liasü, aoksa-a temenen yimoka ait ta arsangtep. Temenen aridoktsü atema onok jakdang nisung ka tenüng = Angumtoba noktak pa süoshi temesüng talang sübor liasü. Scooter ka pa anasa amendaka liasü, ni bilem temenen yimoka aitbaji asenoki mongui menden küpok atsüka alitsü, aser jaka ya tulu tekong tenem aika dang sema jajatsüji scooterji bener bushi nung dang ajungtsü ta pela repranga ata. Pai scooterji start asütsü ao, pa teka kata mesala, tetsüng kelen manem, kelen agi scooterji start asütsü merang saka makok.
Ano side kelen nungi tetsür ka aser tebur ka temenen aridoktsü ta sür telok amenba nungi tera ajungketer temadak atoka sayu, saka alileni malu tena dang raratepa sayu. Ya kechi tetezü ta mena alirtemi jembitep, ola kati yamai ashi, “tamalenbo tanela sempet ka-a liasü, saka tangbo atsüngzüka or joko temenen den merarar parnok dang raratepa kazür.”
17-02-18 : “Bethesda awatsüng nung tzü nungshiba parnoki amadok” ta ola kati ashi idangji ni anasa asangur ka aser aiür ka liasü, asangurba tenüng Sentilong ta ashi. Ni tena dang tzü nungshibato ama asü mama ta asüngdang, nenok lanur dang asüji amadok-a na ta asüngdang.”
Tsüngremi agütsüba pongmang/mangdang kar kanga aritepa ashitsü/ inyaktsüla, ano karbo koma atalokdaktsütsü aji Pa nungi tejangja teteyuba meshir inyaktsübatem alinungji maneni sarasadema aruogo aser ni atenba arogo kar nungbo kuli süogo. Saka ano shity nung zülutsula ta 10th Oct 2018 anepdang ashi nungji yamaji lemsateper.
Tangatettsü: 1) “Temenen den rarar mali.” 2) “Bethesda awatsüng nung tzü nungshiba amadok.”

Khrista nung temeim Aor tamangertem, nenok tamang agi terajemba angatettsü ni amanger. Tsüngremi asenok dang Pa mulong masüba ashibaji nisung shiai sarasadema bushitetsü merangdi. Shirnoksa nibo jenbua lir ta jangja metet, Tsüngrem tenüng sangang aser Khristai agütsüba temeim agi kati ka asoshi sarasademjangma. Tsüngremi Aortem Naga nunger madak lenisüba kin ta aja, aser mapa tajung ajak nung mezüngpur asütsü Pai mulonger. Anungji tanela sübotsü sübor temenen den raratsü apusodi. Revival amadokba nungi asentenshia Tsüngrem anasa odi, aser chichiba asentenshi tanela onok dak poktetdakjang ta maneni sarasademdi.