Tsütuonuomia Khel day Mongputeni 25 nü amungtsü

Kohima, Mongputeni/October 22 (TYO): Kohima village, Tsütuonuomia Khel pur Mongputeni/Oct. 25 nü Mission Compound nung 1:00 ako nungi tenzüka annual Khel Day amungtsü asoshi renema lir.
Mongputeni/Oct. 25 ya Khel puti otsü nung kanga tongtibang anogo ka lir, kechiyong iba anogo 1879 küm rara tembang aser iba sülen Tsütuonuomia Khel aser Britishi nunger tsüngda yimjung yanglu.
T. Khel Day ya Khel nung lennirtem, tasüaitba aser yimjung asoshi raraba bilemtettsü asoshi amunger, ta T. Khel Day, publicity committee züngsem Khotuo Kevin Solo-i ashi.
Iba anogo sobaliba sentong balala, kentenmenü sentongtem agia benjungteptsü. Khel puri ana aser talang nung aliba züngsemtem ajak iba sentong nung adentsü asoshi jaokogo aser maneni tanga kin den kibong kümer aliba khel tsürtem den kinungbotem iba sentong nung arua adentsü asoshi mejeta jaokogo.
Iba sentong nung Kohima Village Council, mendenbuba Dr. Neiphi Kire alakteta tejaoker asütsü aser T. Khel Nite koba nikongtsütsü 5:00 ako nungi tenzüktsü aliba sentong nung T. Khel Council, Ex-Chairman Viliethie Solo tetushi tesemdanger asütsü, ta sentong ayongertemi sangdong ka ajanga metetdaktsü.