TT: Soumyajit o Manika nati Olympics nung shilem agitsü

Hong Kong, April 14 (Agencies): India’er Table Tennis (TT) asayar, Soumyajit Ghosh aser Manika Batra nati Hong Kong nung asayaba Asian Qualifiers nung takok ngua Rio Olympics nung shilem agitsü jenjang nguogo.
Ghosh-i A Sharath Kamal, Anthony Amalraj aser Harmeet Desai nunger madak takok ngua pa densemba telok nung temaba jenjang angu aser iba yongji pai Olympics nung shilem agitsü jenjang angu.
Manika-i lar 1 buba asaya nung Pooja Sahasrabuddhe mekoktet saka tanüngba asaya 2 nung Shamini aser Mouma Das na tsükdakja lar telok nung temaba jenjang ngua, laia Olympics nung shilem agitsü temeten ngua liasü.
Sharath-i tan tamakok nguaka, pai maneni Asian Qualifiers nung shilem agitsü jenjang ngua lir.
Ano, Sharath-i Asian Qualifiers nung tamakok ajuruaka, pai ITTF asayar tarensen nung jenjang tajung ngua aliba yong paia India tenüng nung Olympics nung shilem agitsü jenjang angutsü.