TU & IIT Guwahati na Asia institute tem rongnung temaba 150 nung züngsema lir

Guwahati, March 18 (Agencies): 2017 küm atema ‘Times Higher Education Asia University Rankings’ ajanga Asia nung institute tajungtibatem asadangba nung Tezpur University (TU) aser IIT Guwahati na institute tajungtiba jenjang 150 rongnung züngsemogo.
Tezpur University jenjang 131-140 tsüngda nung liasü.
Indian institute tem rongnung ‘Indian Institute of Science’, Bangalore temaba jenjang nung liasü. Parnok Asia ajunga nung jenjang 27 buba nung liasü.
Indian university tem rongnungi ano Venkatesh University, Jadavpur University aser Punjab University züngsema lir.
Jadavpur University den külemi IIT Guwahati 101-110 tsüngda nung züngsema lir.
Asia University Rankings 2017 nung Asian linük 24 nungi institution tajungtibatem züngsema lir.
Jenjang telemsa ya, tesayuba, bushisüngdangba, shisatsü agütsübaren aser international jenjang nung medemdangtsü asoshi tenüngdakba balalatem asadangba nung ajemdaker agütsü.