Tuberculosis tashidak nokdangtsüba atema jenjang kar

Kümshia Metsüremi (March) 24, World Tuberculosis Day ya alima ajunga nung amunger. Iba anogomung ya tuberculosis (TB) tashidak dak sendakba nung temetettsü balalatem nüburtem nem metetdaktsütsüba aser iba tashidak samatsütsü asoshi merangba nüngtem nung amunger.
Taküm iba anogomung omenji is ‘Wanted: Leaders for a TB-free world’ lir aser TB tashidak samatsütsü asoshi tezüngzüktepba ka agitsü asoshi rangloker inyaktsüba nükjidong lir.
Tuberculosis (TB) tashidak ya menatepba tashidak ka lir aser iba ajanga tepokpok nung timba kongshir. Iba tashidak ya Mycobacterium tuberculosis bacterium ajanga tongdaktsür.
World Health Organisation (WHO)-i ashiba agi, TB tashidak ajanga alima nung nisung aika tepseter aser anogoshia iba tashidak ajanga nisung 4,500 asür.
Iba tashidak ya ventilation tapet aser shirangertem nungi pilaa aliba ajanga memenai kümzüka liteter.
Iba tashidak nokdangtsüba atema jenjang kar yamai agütsür:
-TB tashidak agi tonger alirtem den tejak o tejak na chitepa inyaksangshi masütsüla.
– Na iba tashidak agi menatsü lendong nung ali asü maliar jangjang.
– Süngjang lijang, aonsotsü, whole grains aser temo kanga maketba shi chiang.
– Exercise teti agiang.
– Yi tejem.
– Moko techi
– Junga mejangang
– Merakmejua liang aser tangar dak indang indanga taketloktsü mesera tehajiloktsü.
– Iba tashidak moraa maotsü atema mapang shidak nung temang anepaluang.
Source : Internet