Tuensang DBDB senden amen

Dimapur, January 05 (TYO): January 05, 2018 nü DC Conference Hall Tuensang nung District Planning and Development Board Meeting senden amen; Deputy Commissioner & Vice Chairman DPDB Tuensang, L. Jamithung Lotha leniba nung senden mena liasü.
Senden nung Tuensang DC-i district nung departments ajak dang election atema tekaratiba nung employee list agüjang ta tuyua liasü.
Paisa District Vision statement 2022 atema osang magütsüi alir department tem danga tekaratiba nung agütsütsü tuyu.
Forum-isa taruba election mapalem atema o lemtepa liasü.
Tuensang Deputy Commissioner-isa PWD (RD), Power, PHED department dang taruba election atema nüngdakba lenla ajak nung renema alitsü metetdaktsü.
Senden nungsa Power aser Irrigation Department na dang taruba senden nung power point presentation agütsütsü atema metetdaktsü.
Paisa department balala nung tekolakpur ajak dang Noklak District tentetba sentong nung adentsü mepishia metetdaktsü.