Tuensang DC aser ketdangser pongu den tepila sentong agi

Tuensang, February 26 (TYO): Tuensang Deputy Commissioner, L. Jamithung Lotha den ketdangser pongu- SDO (C) Tuensang, P. Pakon Phom, EAC Tuensang HQ. Pokha Lam, EAC TSG HQ, Saku Chingmak, EAC Sotokur, Kihuaong aser EAC Chare K. Maro nunger den tepila sentong ka February 26, 2019 nü CKS Hall, Tuensang nung agiogo, ta ketdangsertem osang ka ajanga metetdaktsü.
Tepila o jembidang DC-i pa tenzükba mapang nung ketdangsertem, shishilembartem, melungtet teloktem aser nüburtemi pa nungita yaripa atema pelaba lemsatep. Paisa administrative staff temi parnok nem lemzüktsüba mapa melungsüa inyakba atema pelaba lemsatep.
SDO (civil) Tuensang aser Tuensang Town Council Administrator, Phom-ia administrative staff tem, DBs aser Ward züngsemtemi meranga inyakba ajanga lokti nung temelenshi adokdaktsüba atema pelaba lemsatep.
President Citizen Union Tuensang Village, N. Kaimong-i, khenyongi dang ketdangser aika transfer yokba atema nemjema jembi. Iba sentong ya ADC Tuensang, M. Chaitanya Prasad, IAS leniba nung agi aser SDO (C) Tuensang, Ajit Verma, IAS-i tepela anküp o jembia liasü.