Tuensang DC den ketdangsertemi Bethel Children Home semdang

Tuensang, Luroi/August 28 (TYO): August 27, 2019 nü Tuensang DC, Mohammad Ali Shihab, IAS leniba nung Tuensang district administration-i Bethel Children Home semdangogo, ta ketdangsertem osang ka ajanga metetdaktsü.
DC den ketdangsertemji EAC HQ Tshelhi-u NCS, EAC (P) N. Orenthung Kikon aser Ruokuosetuo Tetso nunger liasü.
Children Home nung tanurtem den jembidang DC-i tanurtem dang kaketshisatsü tejangraba nung bushitsü aser maparen ajak nendaka inyaktsü ajungshi.
Tang iba Children’s home nung district kübok tesem balala nungi lajar tetsür 15 lir.
DC-isa tawa Higher & Technical Education and Tribal Affairs Minister, Temjen Imna Along-i Tuensang jila semdangba mapang item tanurtem nem tenla agütsüba sen 20,000/- agütsü.