Tuensang DC-i metetdaktsür

Dimapur, Rongchii/April 22 (TYO): Nagaland Government Home Department-i April 21 nü tetuyuba agütsüba dak ajemdaker Tuensang Deputy Commissioner, Kumar Ramnikant IAS-i Tuensang District kübok kisüjensü kar atema temelaba agütsüba metetdaktsüogo.

1. Lenmang, irrigation projects, ki aser yimdak yimtsüngtem nung MSMEs densema industrial projects ajak.
2. Renewable energy projects yanglutsüba.
3. Town Councils kübok construction projects tem nung mapa inyaktettsü saka tangalen nungi mapa inyakertem anir marutettsü.

Item kisüjensü mapatem ajak asoshi mapa nung nisung kwi inyaktsü, mapa inyakba tesem, kechi mapa, gari amshia inyaktsüla asü masü, item osang tejangja agütsür pei area Administrative officer nungi temelaba agitsüla.

Maneni mapa inyakba tesem ajak nung nisung o nisung na tsüngda tetsüngda ita inyaksangshitsüla aser tanga health safety protocols tem benoka inyaksangshitsüla.

Temalen shisema aliba tetuyuba sülen manidakertemi temelaba agir aliba agintsütsü aser Disaster Management Act kübok merenshitsü, ta kasa sangdong ajanga metetdaktsü.