Tuensang DC-i sangdonger

Dimapur, Rongchii/April 01 (TYO): Tuensang district kübok Heads of Offices aika nung ketdangsertem kuli tejangja meli mapai maruba ajanga election maparen nung tamakok aluba ngua Deputy Commissioner Tuensang, Mohammad Ali Shihab, IAS-i tetuyuba ka agütsüogo.
State ajunga nung taruba parliamentary election ketdangsüa agitsü tonga aruba mapang ka nung ketdangsertem nem lemzüktsüba khuret tamakok bener arutsüba ya kanga shishia bilemdangtsüla, ta kasa tetuyuba nung shia lir.
Anungji, tuyuba ama Heads of Offices ajak report süa pei nem lemzüktsüba tesem nung alitsü atema metetdaktsür. Tuyuba ama ketdangser temi meinyakra, ozüng nung aliba ama tapet temerenshi agütsütsü, ta metetdaktsür.